1.Tamuera 2:30 - Te B'aib'ara

³⁰ Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.

1.Tamuera 2:30 ပူးပေါင်းရင်းမြစ်များ

1.Uea 11:11

ao E taku nakon Toromon, Ko boni karaoa ae ko tangiria, ao ko aki karaoa are I tuangko. Ma ngaia ae ngkai N nang anaa abanueam mai iroum, ao N na angan temanna mai buakoia am aobitia.

1.Uea 2:27

Ao Toromon e kabanea Abiata man te nakoa ni ibonga i bukin te UEA. Ao ikai are e a koro naba iai bukin baike E taekin te Uea i Tiro i bukin te ibonga are Eri ma kanoana.

1.Rongorongo 17:18

Bon am toro ngai, ao ko atai au iango ni kabane. Tera riki ae n na taekinna, ao ko a tia ni karineai?

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 26:18

ao e taku, “Teuae ko karineaki. E bon aki eti te b'ai ae ko karaoia! Kam aki kariaiakaki ni kabuoki taian b'aini kaboiarara nakon te UEA. B'a e na ti karaoaki anne irouia taiani ibonga ake ana kariki Aaron. Kam a riai n nako! Kam a tia ni bure nakon te UEA, ao E na bon aki kakab'aiaingkami.”

Taian Areru 18:20

E anganai kaniwangau te UEA i bukin ae I karaoa ae e raoiroi. E kakab'aiaai ngkai akea au bure.

Taian Areru 18:26

Ko kaotiko nakoia akana itiaki b'a Ko itiaki; Ao nakoia taan tiakana te aba, b'a te tia tiakana naba te aba Ngkoe.

Taian Areru 50:23

Ane kareana te katituaraoi ao e karineai, Ao N na kamaiua ane ongeaba nako iu.

Taian Areru 73:20

Ti te bo ngaiia ma te mii are toki kaotina n te ingabong; Ngkana Ko uti, Te UEA, ao a mauna naba.

Taian Areru 91:14

E taku te Atua, “N na kamaiua akana tangirai, Ao N na kakawakiniia akana ataai b'a te UEA ngai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Te Otinako 29:9

ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Taeka n Rabakau 4:8

Ngkana ko m'annanoa te Wanawana ma n baimatoaia, ao bon am b'ai te karineaki.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Ieremia 49:15

E na rangi ni uarereke ami botannaomata, ao e na bon ribaaki irouia botannaomata ni kabane.

Etekiera 34:10

I katanoataa b'a ai Au kairiribai ngkami taani kaawakin tiibu Ngai ae te UEA. N na anaia Au tiibu mairoumi ao N na aki manga kariaingkami b'a kam na riki b'a aia taani kawakin tiibu; ao N na bon aki naba kariaia b'a kam na manga iangoi aromi i bon iroumi. N na kamaiuia Au tiibu mairoumi ma n aki kariaingkami b'a kam na kang.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:3

N na katuaaia ami kariki ma ni kabira matami ni butaeia maan ake kam anga b'a taiani karea, ao e a tib'a bane aia m'akuri ma ngkami.

Warekaia Iteraera 11:20

A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.

Warekaia Iteraera 35:34

Ngkana e riki anne, ao e na tiringaki te tia tiritiri, b'a e aonga ni manga itiaki te aba. Tai karaoa te m'akuri n tiritiri mai aon Iteraera!

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Ioane 8:49

E kaekaia Iesu ao E taku, “Akea te taimonio irou; ma I karinea Tamau, ao ngkami kam aki karineai.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

Tani Motiki-taeka 9:10

Ao a manga titirakina te biiku ni kaangai, Ko na uea i aora?