1.Tamuera 2:25 - Te B'aib'ara

²⁵ Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.

1.Tamuera 2:25 ပူးပေါင်းရင်းမြစ်များ

Karikani B'aai 38:10

Ao E aki kukurei te UEA n ana m'akuri are karaoia, ma ngaia are e a manga tiringaki naba iroun te UEA.

Karikani B'aai 38:7

Ao e buakaka aron maiun Era, E aki kukurei te UEA i rouna, ma ngaia are e a tiringaki iroun te UEA.

1.Uea 8:31

Ngkana tao arona b'a iai ae e bukina temanna n te bure teuana, ao teuare e bukinaki e tei i matan te Atiniberita i nanon te Tembora ao e taku, I bon tuea b'a I bon aki karaoa te bure.

1.Uea 8:32

Ko na ongora mai karawa ao karaoa am babaaire i aoia b'a antai ae e bure. Ao Ko na katuaaea te tia bure ao ni kainaomata teuare akea ana bure.

2.Rongorongo 10:15

Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

Iobi 9:33

Ma bon akea temanna ae kona n tei i marenara akea ae kona n roko n anga ana moti i aora ni kauoman.

Taian Areru 51:16

Ko aki tangira te karea; ngkana tao Ko tangiria ao I a anganiko; Ko aki kukurei n te karea ae kabuokaki.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taeka n Rabakau 13:1

A kariaia kaetakiia irouia aia karo ataei aika a iangoraoi, ma a aki tabe ma kaetakiia ataei aika a taningabono.

Taeka n Rabakau 15:10

Ngkana kam rairaki man te kawai ae e raoiroi, ao kam na katuaaeaki; ngkana kam rawa ni kaetaki ao kam na mate.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Te Minita 3:3

te tai n tiritiri ao te tai ni kakamaiu, te tai n urub'ai ao te tai ni kateib'ai,

Warekaia Iteraera 15:30

Ma ngkana bon iai ae karaoa te bure ni bon nanona, b'a tao te Iteraera ke te iruwa ae maeka i buakomi, ao e na bon reke n te bure b'a e a tia n aki ongeaba n urui taian tua.

Te Tua-Kaua 1:17

Kam na katitebooi naba ami babaaire nakoia aomata aika mangori ma aika korakora. Kam na aki maaka te aomata temanna. E aoria ngkana iai ae kakannato ae e kaoti n te bowi. E na buokingkami n anganingkami mooti aika raoiroi te Atua. Ngkana e rangi ni matoatoa te tangitang nakoimi, ao kam na uotia nako iu b'a N na baaireia.”

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

1.Timoteo 2:5

B'a ti temanna te Atua, ao ti temanna naba te tia raoi i marenan te Atua ma aomata, b'a te aomata are Kristo Iesu,

Ebera 10:26

B'a ngkana ti boni kani kateimatoa arora ni karaoa te bure i mwin reken ataakin te koaua i roura, ao bon akea riki i bukira te karea teuana i bukini buure;

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Iotua 11:20

Bon te UEA ae kataningabonoia ma ni kakorakorai nanoia ni kan buakaniia Iteraera b'a aonga n tiringaki n akea te nanoanga ma ni kamaunaaki i rouia aomatan Iteraera n ai aron ana taeka te UEA nakon Moote.

1.Tamuera 3:14

I kauringa Eri b'a e aki kona te karea ke te angab'ai ni kaeti b'aai! B'a e a rangi ni m'aiti aia tai ni karaoi b'aai aika rangi n ribaaki.