1.Tamuera 19:8 - Te B'aib'ara

⁸ Ao i mwiina, e a teirake te buaka ma kaain Biritia, ao e kakorakora Tawita ni buakaniia ni uaa a birinako.

1.Tamuera 19:8 ပူးပေါင်းရင်းမြစ်များ

1.Uea 20:21

ma a taorimwiiaki irouia Aaba ma ana tautia ao a tauia aia aoti ma aia kaanibuaka. Ao e kaboraia kaain Turia Aaba ma tautian Iteraera.

Taian Areru 27:3

E ngae ngkana I otab'aniniaki n te taanga ni buaka ae korakora, ma N na bon aki maaku; e ngae ngkana a buakanai aiau, ma n na bon teimatoa n onimakina Atuau.

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:30

Ao a aki toki n roroko kaain Biritia ni buakana Iteraera, ma e totokanikai Tawita ngkana e buakaniia. Ao e riki b'a te aomata ae kakannato i bukina ngke a m'aiti riki ana totokanikai n te buaka i aoia kaain Biritia nakon Tauro ma ana aobitia.

1.Tamuera 19:7

Ao e wewetea Tawita Ionatan ao e tuangnga te b'ai are taekinna Tauro, ao i mwiina, e a kaira Tawita nakon Tauro, ao e a manga m'akuri naba Tawita n ana taanga ni buaka Tauro n aron are e bon kakaraoia mai m'aaina.

1.Tamuera 19:9

Ao n te tairiki teuana, ao e mena Tawita n ana auti Tauro b'a e katanga te aabi nako ina. Ao e tekateka Tauro, ma te kainiwai i nanon baina, ao ngke e niniaki n te tamnei ae buakaka are roko mairoun te UEA.

1.Tamuera 23:5

Ma ngaia are, a nako Tawita ma ana rorobuaka nako Keira ao a buakaniia kaain Biritia; a tiringiia aika a rangi m'aiti mai buakoia ao a anai aia nanai ni man. Ao anne aron Tawita ni kamaiua te kaawa.