1.Tamuera 19:5 - Te B'aib'ara

⁵ E kariaia te ri nanon te kangaanga ngke e tiringa Koria, ao E a tia n anga te tokanikai te UEA nakon Iteraera. Ngke ko nooria, ao ko nang kim'areirei. Bukin tera ngkai ko tangiria ni kan karaoa ae buakaka nakon te aomata ae aki ataib'ai ao n tiringa Tawita n akea bukina?”

1.Tamuera 19:5 ပူးပေါင်းရင်းမြစ်များ

2.Tamuera 23:10

ao bon ti nikirana Ereata. E tiringiia kaain Biritia ni karokoa ae e rangi ni matoatoa baina n taua ana kabaang. Ao e a toki ana buaka Ereata, akea riki te b'ai ae a na manga karaoia ana taanga ni buaka Iteraera b'a a na ti okirikaaki n anai aia b'ai ni buaka aia kairiribai ma kunnikaia ni buaka. E a tia te UEA n angan Iteraera te tokanikai ae e kakannato n te bong anne.

1.Rongorongo 11:14

ao bon ti Ereata nikirana, are e tiku ma Tawita. A kanene n aki keerikaaki n te tabo teuana i rarikin te katawanang ni b'are ao a kataenikaiia kaain Biritia! E anga te tokanikai te UEA ae e koro arona nako ia Iteraera n te bong arei.

1.Rongorongo 11:18

Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA

Taian Areru 109:5

I karaoi baika raraoi i bukiia, ma a kaboa nako iu ni baika bubuaka; I tangiriia, ma a ribaai.

Taian Areru 119:109

I tauraoi n taai nako ni bo ma kaangaanga ni maiu, Ma I aki m'anuoka am Tua.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Taian Areru 94:21

Akana bootaki ni kario iango b'a a na kam'aruaia akana raoiroi, Ao a motiki taekaia akana aki bure b'a a na kamateaki.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Mataio 27:24

Ngke e noria Birato b'a akea riki te bae e kona ni karaoia, ao b'a e a moanna n riki te kiriwe, ao e anaa te ran, ao e teboki iai baina i mataia aomata, ao e taku, “N na aki bukinaki ni maten te aomata aei; kam na bukinaki iai!”

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

I-Biribi 2:30

b'a e kaania matena i bukin ana m'akuri Kristo n aki mutiakina maiuna, b'a e aonga n anganai buokau n aron are aki kona n reke mai roumi.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Tani Motiki-taeka 12:3

Ma ngaia are, ngke ti a ataia b'a, ao ti a bon iangoi maiura ni buakaniia kaain Ammon. Ao E buokira te UEA ni kataenikaia. Bon akea bukin rokomi ni buakaniira n te bong aei.

1.Tamuera 11:13

Ao e taku Tauro nako ia, “Tiaki ngaia anne! E kamaiuia Iteraera te UEA n te bong aei, ma ngaia are, akea ae na tiringaki.”

1.Tamuera 14:45

Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.

1.Tamuera 19:6

Ao e kariaia Tauro ao e berita ao e taku, “I berita n aran te UEA ae maiu b'a N na aki tiringa Tawita!”

1.Tamuera 20:32

Ao e kaeka Ionatan ni kaangai, “B'a tera bukina ngkai e na tiringaki. Tera ae e a tia ni karaoia?”

1.Tamuera 22:14

Ao e kaeka Aimereka ni kaangai, “Bon te kabanea ni kakaonimaki Tawita i buakoia am aobitia aika iroum! Bon buun oin natim te aine, ao mataniwiia taan tararuaiko te uea, ao e rangi ni karineaki irouia kaain m'aneabam te uea.

1.Tamuera 28:21

E roko te aine arei ni kawaria ao e nooria b'a e rangi ni maaku, ma ngaia are e taku nakoina, Taiaoka teuae ko karineaki, I anga maiu i bukin te b'ai are ko butiai.