1.Tamuera 19:4 - Te B'aib'ara

⁴ Ao e karaoiroa Tawita Ionatan nakon Tauro ao e taku, “Teuae ko karineaki, ko na aki karaoa te b'ai ae buakaka nakon Tawita are am toro. Bon akea te b'ai ae buakaka ae a tia ni karaoia nako im: ma baika e a tia ni karaoi bon buokam aika ab'ab'aki.

1.Tamuera 19:4 ပူးပေါင်းရင်းမြစ်များ

Karikani B'aai 42:22

Ao e taku Reuben, “I bon tuangngkami ngkoa b'a kam na aki tiringnga, ao ngkai ti a katuaaeaki i bukin matena.”

Karikani B'aai 9:6

A karikaki aomata b'a katotongan te Atua, ma ngaia are, ane tiringa te aomata temanna, ao e na manga tiringaki i roun te aomata temanna.

2.Rongorongo 6:22

Ngkana tao arona b'a iai ae e bukinaki ni karaoa te m'akuri ae e bure, ao e a kateaki te tia bukinaki i matan te baonikarea i nanon te Tembora ao e taku, “I bon tuea b'a I aki bure!”

Taian Areru 35:12

A kaboa mwin au m'akuri ae e raoiroi n te buakaka, Ao I taonaki n te rawaawata.

Taian Areru 59:4

Ke te b'ai ae I bure iai b'a e buakaka, te UEA, ao ni kabaikoaia nakon aia tabo.

Taeka n Rabakau 17:13

E na teimatoa n reereke iroumi te kangaanga ngkana kam karaoa ae e aki raoiroi nakoia aika a raoiroi nakoim.

Ieremia 18:20

I kataia ni buokiia, ma a manga kabooa mwiina ni kena te m'anono ni kam'ane i buku. I bon butiiko naba b'a Ko na aki katuaaia.

1.I-Korinto 8:12

N te aro aei ao ko bure iai nakoni Kristo, ngke ko bure nakoia raom n onimaki aika mamara, ao ko urui mataniwin nanoia.

1.Ioane 3:15

Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.

1.Tamuera 20:32

Ao e kaeka Ionatan ni kaangai, “B'a tera bukina ngkai e na tiringaki. Tera ae e a tia ni karaoia?”

1.Tamuera 22:14

Ao e kaeka Aimereka ni kaangai, “Bon te kabanea ni kakaonimaki Tawita i buakoia am aobitia aika iroum! Bon buun oin natim te aine, ao mataniwiia taan tararuaiko te uea, ao e rangi ni karineaki irouia kaain m'aneabam te uea.