1.Tamuera 19:23 - Te B'aib'ara

²³ Ao ngke e m'ananga nako ikekei, e a manga niniia naba Tamnein te Atua, ao e a manga m'am'aie naba ma n tatakarua ni karokoa rokona i Naiota.

1.Tamuera 19:23 ပူးပေါင်းရင်းမြစ်များ

Taeka n Rabakau 16:9

Ti karaoi ara babaaire, ma bon te UEA ae e baairei kawaira ake ti na nako iai.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Warekaia Iteraera 23:5

Ao E anga te rongorongo te UEA nakoni B'araam ao E a manga kaokia nakon B'araka.

Warekaia Iteraera 24:2

ao e nooriia barongan Iteraera aika katei auti n rianna i nano. Ao e rina n niniaki iroun Tamnein te Atua

Mataio 7:22

Ane a na kangai nako Iu aomata aika bati n te bong are E na motiki taekaia iai aomata te Atua, Te Uea, te Uea, tiaki ti taetae ni burabeti n aram? Ao tiaki ti kanakoia taimonio n aram? Ao tiaki ti karaoi m'akuri aika kamimii n aram?

Ioane 11:51

Ma e aki atonga aei b'a oin ana iango; ma ngkai mataniwiia ibonga ngaia n te ririki arei, ao e taetae ni burabeti b'a E nangi mate Iesu i bukin te botannaomata arei;

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

1.Tamuera 10:10

Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.

1.Tamuera 10:12

Ao e taku temanna mai buakoia, “B'a e aera ngkai e na aki kona? E bon riai riki n riki ni burabeti nakoia tabem'aang!” Ao bon anne bukina are a kaangai iai aomata ni kabane, “E na kanga n riki ni burabeti Tauro?”

1.Tamuera 10:6

Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.

1.Tamuera 18:10

Ao n te bong are i mwiina, E kanakoa te tamnei ae buakaka te UEA b'a e na niniia Tauro, ao e riki kaanga aron te rangirang i nanon ana auti. Ao e rin Tawita b'a e na katanga te aabi n aron are e boni kakaraoia mai m'aaina, ma iai ana kainiwai Tauro i nanon baina n te tai aei.

1.Tamuera 19:18

Ao e biri nako Tawita ao e kawara Tamuera i Ram'a ao e tuangnga b'aai ni kabane ake e a tia ni karaoia Tauro. Ao i mwiin arei, e a nako ma Tamuera nako Naiota n tiku iai.

1.Tamuera 19:20

ma ngaia are, e kanakoia tabeman rorobuaka b'a a na katikia. A nooriia koraki ni burabeti aika a m'am'aie ma n tatakarua, ae a kairaki iroun Tamuera. Ao e niiniia ana rorobuaka Tauro Tamnein te Atua, ao a manga ira te m'am'aie ma n tatakarua.

1.Tamuera 19:22

Ni karokoa e a bon m'ananga nako Ram'a. Ao ngke e roko n te m'anib'a are i Teku, e a titiraki b'a e mena ia Tamuera ma Tawita ao e tuangaki b'a a mena i Naiota.