1.Tamuera 19:20 - Te B'aib'ara

²⁰ ma ngaia are, e kanakoia tabeman rorobuaka b'a a na katikia. A nooriia koraki ni burabeti aika a m'am'aie ma n tatakarua, ae a kairaki iroun Tamuera. Ao e niiniia ana rorobuaka Tauro Tamnein te Atua, ao a manga ira te m'am'aie ma n tatakarua.

1.Tamuera 19:20 ပူးပေါင်းရင်းမြစ်များ

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Warekaia Iteraera 24:2

ao e nooriia barongan Iteraera aika katei auti n rianna i nano. Ao e rina n niniaki iroun Tamnein te Atua

Ioane 7:32

A ongo taekan Iesu aikai B'aritaio n aia wirikiriki aomata, ma ngaia are i mwin reken aia iango ma ibonga ake mataniwi, ao a kanakoia bureitimanin te Tembora b'a a na taua Iesu ni kaburea.

1.I-Korinto 14:3

Ma te aomata ae taetae ni burabeti nakoia aomata, e buokiia ni kateimatoaia ma ni kakorakoraia, ao e anganiia kabebetean nanoia.

1.Tamuera 10:10

Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”

1.Tamuera 19:14

Ao ngke a roko ana rorobuaka Tauro nakon Tawita, ao e tuangnga Nei Mikara b'a e aoraki.

1.Tamuera 19:19

Ao e kaongoaki Tauro b'a e mena Tawita i Naiota i Ram'a,

1.Tamuera 19:21

Ao ngke e ongo Tauro te b'ai arei, e a manga kanakoia riki tabeman taan uarongorongo, ao a manga m'am'aie ma n tatakarua. E a manga kanakoia naba ana taan uarongorongo te katenua n tai, ao e teimatoa n riki anne nakoia.