1.Tamuera 19:10 - Te B'aib'ara

¹⁰ E teirake naba Tauro ni karetekea Tawita b'a e na kanim'a ma te o. Ma e katuaa kaina Tawita, ao e nim ma te o te kainiwai arei. Ao e biri n otinako Tawita man te auti ma ni biri nako.

1.Tamuera 19:10 ပူးပေါင်းရင်းမြစ်များ

Taian Areru 124:7

Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Taian Areru 18:17

E kamaiuai mairouia aiau aika korakora, Ao mairouia akana riribaai b'a a rangi ni korakora riki nako iu.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 37:32

E tarataraa te aomata ae raoiroi te aomata ae buakaka, ao e ukoukora kamateana.

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Mataio 10:23

Ngkana a b'ainikiriningkami aomata n te kawa teuana, ao kam na biri nakon te kawa are teuana; b'a e koaua ae I a tuangngkami, b'a a na aki bane n tia ami m'akuri i nanon aia kawa nako Iteraera i m'ain rokon Natin te Aomata.

Ruka 4:30

Ma E ri buakoia Iesu ao E nako.

Ioane 10:39

A manga kataia riki b'a a na taua Iesu ni kaburea, ma E aki reke i rouia.

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

1.Tamuera 18:10

Ao n te bong are i mwiina, E kanakoa te tamnei ae buakaka te UEA b'a e na niniia Tauro, ao e riki kaanga aron te rangirang i nanon ana auti. Ao e rin Tawita b'a e na katanga te aabi n aron are e boni kakaraoia mai m'aaina, ma iai ana kainiwai Tauro i nanon baina n te tai aei.

1.Tamuera 18:11

Ao e taku Tauro, “N na ewara Tawita ni kanimm'a ma te o.” Ao e karetekea Tawita uoua te tai, ma e katuai kaina Tawita ake uoua.

1.Tamuera 19:6

Ao e kariaia Tauro ao e berita ao e taku, “I berita n aran te UEA ae maiu b'a N na aki tiringa Tawita!”

1.Tamuera 20:33

Ao e rangi n un Tauro n te taeka arei, ao e karea Ionatan n te kainiwai b'a e na tiringnga, ao e a ataia Ionatan b'a e bon iangoa tiringan Tawita tamana are Tauro.