1.Tamuera 18:4 - Te B'aib'ara

⁴ Ao e buuta te niiniirana Ionatan are e kunnikaina ao e karinna i aon Tawita. Ao e anganna naba kunnikaina ni buaka, ana kabaang, ana kainikatebe ma kanoana, ao ana bare.

1.Tamuera 18:4 ပူးပေါင်းရင်းမြစ်များ

Karikani B'aai 41:42

Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

2.Tamuera 1:22

E teke konan ana kanoanikatebe Ionatan ao a mate taani buaka. E korokoro ana kabaang Tauro ao e m'akoroua te kairiribai.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Etekiera 23:15

Iai rooia i aon koreaia ao taian m'aita i aon atuuia, ao a kauringnga taian aobitia irouia taani buaka mai aoia aoti i B'aburon.

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

1.Tamuera 17:38

Ao e buuti kunnikaina ni buaka Tauro ma ni karin i aon Tawita, ao e angan Tawita te b'ara te buraati.

1.Tamuera 18:5

Ao e kokoro bukin b'aai ni kabane ake e kanakoaki b'a e na karaoi i roun Tauro, ma ngaia are, e karikia Tauro b'a te aobitia ae rietaata n te taanga ni buaka. Ao a bane ni kukurei aomata ni kabane, n reitaki ma ana aobitia Tauro ake tekorakina.