1.Tamuera 18:3 - Te B'aib'ara

³ Ao e rangi n tangira Tawita Ionatan n te aro are e berita b'a e na riki b'a raoraona n taai nako.

1.Tamuera 18:3 ပူးပေါင်းရင်းမြစ်များ

2.Tamuera 21:7

E a tia ni karaoa ana berita Tawita nakon Ionatan ao te UEA te tia kakoaua, ma ngaia are, e nanoangaa natin Ionatan are Mebiboteta, tibun Tauro te m'aane.

Taeka n Rabakau 18:24

Akea aia buobuoki raoraom tabeman, ma e rena riki ma ngkoe te rao ni koaua nakoia aika bon oin am koraki.

1.Tamuera 19:1

Ao Tauro, e tuanga Ionatan ma ana aobitia b'a e tabe ni iangoa tiringakin Tawita. Ma e rangi n tatangira Tawita Ionatan,

1.Tamuera 20:41

Ao ngke e a nako te ataeinim'aane arei, e a kaotia Tawita mai akuun taian b'ariko n atiibu, ao e b'aka i aon bubuaniwaena ao e bobaraaki ni kabooa matana ma aontano tenua te tai. Ao a kaai n tang ma ni kiiti i bon irouia; e korakora riki nanokaawakin Tawita nakon Ionatan.

1.Tamuera 20:42

Ao i mwiina, e taku Ionatan nakon Tawita, “E na raoraoniko te Atua. E na bon kakoroa raoi nanon au berita ma ngkoe te UEA, ao i marenaia naba am kariki ma au kariki n aki toki.” Ao i mwiina, e nako Tawita ao e oki Ionatan nakon te kaawa.

1.Tamuera 22:8

Anne bukina ngkai kam kakaitaraai? Bon akea temanna mairoumi ae e kaongoai b'a e a manga itabon natiu te rorobuaka ma Tawita. Bon akea ae e tabeakinai ke n tuangai taekan Tawita are temanna mai buakoia au rorobuaka b'a e a manga iangoa tiringakiu, ao e kaungaaki iroun natiu te rorobuaka.

1.Tamuera 23:18

Ao a kaai ni karaoa aia berita n iraorao imarenaia ni kauoman, E tiku Tawita i Oreti, ao e okira mwengana Ionatan.