1.Tamuera 18:23 - Te B'aib'ara

²³ “E aera ngkai ko aki bubutiia te uea b'a ko na iein ma natina te aine are Nei Mikara ao nooria, e tatangiriko te uea, ao a kakaonimaki ana aobitia ni kabane nako im?” Ao e taku Tawita, “Bon te aomata ngai ae I aki kaub'ai ao akea naba kakannatou are N na kona iai ni iein ma te natinuea are Nei Mikara!

1.Tamuera 18:23 ပူးပေါင်းရင်းမြစ်များ

Karikani B'aai 29:20

Ao e m'akuri Iakob'a b'a e aonga n anganaki Nei Rakera, ao ti te bo ma ti tabebong i rouna i bukin tangiran Nei Rakera.

Karikani B'aai 34:12

Tuangai b'a tera te b'ai n tangira ae kam tangiria, ao bairea boon ami ataei n aine ni kaboobuaka n aron boona ane kam bon taku; N na anganingkami te b'ai ae kam bubuti iai ngkana kam kariaia b'a n na iein ma ngaia.”

Taian Areru 119:141

I mangori ao I aki kubaraki: ma I aki m'anuoki am Taeka.

Taeka n Rabakau 14:20

Bon akea raoraom ngkana kam maiu ni kainano, ma a na bon rangi ni m'aiti raoraom ngkana kam kaub'ai.

Taeka n Rabakau 29:5

Bon akea manenan kamoamoaan temanna b'a kaanga ai aron kawenean te b'ainikam'ane.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.

1.Tamuera 18:18

Ao e taku Tawita, “N na kanga ni iein ma natim te aine? Kai bon te aomata ngai ae akea arou, ao akea naba aron au utu.”

1.Tamuera 18:22

Ao e tuangiia ana aobitia Tauro b'a ana maroroo ma Tawita n ti ngaia ma ngaia, ma ngaia are, a kawara Tawita ao a taku nako ina,

1.Tamuera 18:24

Ao a okirikaaki taian aobitia nakon Tauro ao a tuanga raoi Tauro b'aai ni kabane ake a tia n taekin.

1.Tamuera 9:21

Ao e taku Tauro, “E aera ngkai ko tuangai te b'ai aei? Bon kaain te baronga ngai ae Beniamin, ae te kabanea ni uarereke ni baronga mai Iteraera, ao bon te kabanea ni mangori au kaainga mai buakon kaaingan te baronga.”