1.Tamuera 18:14 - Te B'aib'ara

¹⁴ Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:14 ပူးပေါင်းရင်းမြစ်များ

Karikani B'aai 39:23

Ao e aki tabe ma b'aai ni kabane te tia tararua te karabuuti b'a e a tia n angan Ioteb'a te mwiokoaki, i bukina ngke E mena te UEA iroun Ioteb'a, ao E kakab'aiai b'aai ni kabane ake e karaoi.

2.Tamuera 5:10

Ao e riki b'a te uea ao te tia tautaeka Tawita ae e korakora, i bukina ngke E mena te UEA ae Moan te M'aaka i rarikina.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

1.Rongorongo 18:13

Ao i mwiina, e katikuia ana taanga ni buaka i Etom, ao a kariaia kaain te tabo arei b'a e na uea Tawita i aoia. Ao te UEA, e angan Tawita te tootokanikai n te buaka n taabo nako ike e nako iai.

1.Rongorongo 18:6

Ao i mwiina, e katikuia tabeua ana taanga ni buaka i Tamateko, ao e riki Tawita b'a te tia tautaeka irouia kaain ikekei, ao a kab'ab'akaa te roo n rab'ata nakoina. N taabo nako ike e nako iai Tawita, ao e a bon buubuokaki naba iroun te UEA n anganna te tokanikai n te buaka.

2.Rongorongo 17:3

Ngke e moan uea taman Ieotiab'ata i aon Iuta, ao e bon kakaonimaki nakon te UEA ma n rawa n taromauria te anti are Baara n aron are a karaoia ngkoa uean Iteraera.

Taian Areru 101:2

N na b'aina te aro ae moan te raoiroi: Ko na kawarai n ningai? N na b'aina te maiu ae itiaki i nanon au auti;

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

M'akuri 18:10

B'a I memena i roum, ao akea te aomata temanna ae na ekiko nako ni kaikoakiko: b'a a bati au aomata n te kaawa aei.”

Iotua 6:27

Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.

1.Tamuera 10:7

Ao ngkana a tia n riki baikai, ao kam na karaoi b'aai nako akana kam taku b'a a eti! E na buokingkami te Atua.

1.Tamuera 16:18

Ao e taku temanna ana aobitia, “Iai temanna natin Iete te m'aane are maeka i Betereem ae rabakau ni katangitang. Bon te tia buaka ae ninikoria, te ataeinim'aane ae botonim'aane, e kona n taetae raoi, ao e mena te UEA i rouna.”

1.Tamuera 18:15

Ao aei te b'ai are a rangi ni maaka riki iai Tawita Tauro.

1.Tamuera 19:8

Ao i mwiina, e a teirake te buaka ma kaain Biritia, ao e kakorakora Tawita ni buakaniia ni uaa a birinako.

1.Tamuera 3:19

Ngke tabe n rikirake Tamuera, ao E buokaki iroun te UEA ao e karaoi b'aai ni kabane ake e taekin Tamuera.