1.Tamuera 18:1 - Te B'aib'ara

¹ Ni banen aia maroroo Tawita ma Tauro, ao n te tai ae aki maan ao a riki b'a raao aika rangi n i tangitangiri Tawita ma Ionatan. E rangi n tabeakina Tawita Ionatan n aron tabeakinana i bon i rouna.

1.Tamuera 18:1 ပူးပေါင်းရင်းမြစ်များ

Karikani B'aai 44:30

Ao e reitanako ana taetae Iuta ma n taku, ‘Ao ngkai, ngkana I nako n okira tamau ao akea te ataei ni mm'aane anne, ao ni bon te tai naba are e nooria iai b'a akea natina irou, ao e na boni mate.

2.Tamuera 1:26

Ionatan, I a aki manga nooriko! I tangiriko b'a kaanga tariu. Ko kaakaraoa raoi ae e raoiroi nako iu, ko kakaonimaki riki nakon te ainenum'a nakon buuna te m'aane.

1.Rongorongo 12:17

E kawariia Tawita i tinaniku ao e taku nako ia, “Ngkana kam roko ma te nano ni iraorao ma n tauraoi ni buokai ni buaka, ao kam na tiku i rarikira ao raoniira. Ma ngkana kam na kataia ni kab'akaai nako ia au kairiribai, ao E na katuaaingkami te Atua are E tataromauriaki irouia ara bakatibu, i bukina b'a bon akea te kaairua ae I a tia ni karaoia.”

Taian Areru 86:11

Te UEA, Ko na reireiai te bae Ko tangiria b'a N na karaoia, Ao N na ongeaba nakoim ma te kakaonimaki; Ko na reireiai b'a N na toro iroum ma te aki nano-tiotio.

Taeka n Rabakau 18:24

Akea aia buobuoki raoraom tabeman, ma e rena riki ma ngkoe te rao ni koaua nakoia aika bon oin am koraki.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.

I-Korote 2:2

I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

Tani Motiki-taeka 20:11

A bane ni boraoi aomata b'a a na riai n katuaaeaki kaain Kibea.

1.Tamuera 14:45

Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.

1.Tamuera 18:3

Ao e rangi n tangira Tawita Ionatan n te aro are e berita b'a e na riki b'a raoraona n taai nako.

1.Tamuera 19:1

Ao Tauro, e tuanga Ionatan ma ana aobitia b'a e tabe ni iangoa tiringakin Tawita. Ma e rangi n tatangira Tawita Ionatan,

1.Tamuera 19:2

ma ngaia are, e taku nako ina, “E iangoa tiringakim ngkai tamau. I butiiko b'a ko na kakaawakiniko raoi nakon te ingabong, naako nakon te tabo teuana ae ko na raba iai ao tiiku iai.

1.Tamuera 20:17

Ao e a manga kaberitaa riki Tawita Ionatan b'a e na tangiria, i bukina ngke e rangi n tangira Tawita Ionatan n aron tangirana i bon i rouna.

1.Tamuera 20:8

I butiiko b'a ko na karaoa aei ibuku, ao kamatoa ara berita are ko karaoia ngkoa nako iu. Ma ngkana arona b'a I bure iai, ao ko na tiringai boni ngkoe! E aera ngkai ko na kairai nakon tamam b'a e na tiringai?”

1.Tamuera 22:8

Anne bukina ngkai kam kakaitaraai? Bon akea temanna mairoumi ae e kaongoai b'a e a manga itabon natiu te rorobuaka ma Tawita. Bon akea ae e tabeakinai ke n tuangai taekan Tawita are temanna mai buakoia au rorobuaka b'a e a manga iangoa tiringakiu, ao e kaungaaki iroun natiu te rorobuaka.

1.Tamuera 23:18

Ao a kaai ni karaoa aia berita n iraorao imarenaia ni kauoman, E tiku Tawita i Oreti, ao e okira mwengana Ionatan.