1.Tamuera 17:46 - Te B'aib'ara

⁴⁶ E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.

1.Tamuera 17:46 ပူးပေါင်းရင်းမြစ်များ

Karikani B'aai 40:19

Ai ti tenibong mangkai, ao e na kab'arako te uea--ao ane e na korea roroam te uea, ao i mwiina e na katinetinea rab'atam i aon te boua, ao ane a na kana rab'atam taian mannikiba.”

2.Tamuera 18:28

Ao e weewete Aimaati ni kaangai, “Ti tokanikai! Ti tokanikai!” Ao i mwiina, e bobaraaki ni karinanoa nakon Tawita ao e kaangai, “Te uea ae ko karineaki, neboa te UEA ae Atuam! E a tia n anganiira te tokanikai i aoia ana kairiribai.”

2.Tamuera 21:10

E taakin taian kunnikai aika a mangaingai i aon te b'aa ake i rarikina. E aki tangiria mannikiba b'a a na tikubara i aoia ma i nanon te ngaina, ao e kakionakoia maan aika a aki manana n te tairiki. E tiku ikekei mani moan rokon tain te tai ni karokoa e a tabe ni kakarau.

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

1.Uea 8:60

Ao ane a na ataia iai botannaomata ni kabane b'a bon te UEA te Atua ni koaua.

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

2.Uea 5:15

Ao e okirikaaki Naaman ma ana mataniwi nakon Eritai. E tei Naaman i matan Eritai, ao e katanoata ni kaangai, “I a bon ataia ngkai b'a bon ti te Atua n te aonnaba aei Atuaia Iteraera. Teuae ko karineaki! taiaoka butim'aea au b'aintangira aei.”

Taian Areru 31:8

Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 56:9

Kam roko man te buakonikai, ngkami maan aika kam aki manana! Buakaniia ao kana konam nako.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Ieremia 34:20

A na tiringkami kairiribai aikai ma ni katikui rab'atami n aki akaaka i aon te tano b'a kanaia mannikiba ao maan aika a aki manana.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Mataio 24:28

Ike e mena iai te rab'ata ae mate, ao a na ikotaki naba iai taian ikare.

Te Tua-Kaua 28:26

ao bon akea ae na aki karauia mannikiba ma man aika kawakawa aika aki manana ngkana a kang rab'atami ngkana kam mate.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Te Tua-Kaua 7:23

Ma ngkana kam buakaniia ami kairiribai, E na kabuai aia iango te UEA, ao e na rangi ni bebete aron tiringaia iroumi. Kam na kataenikaiia teutana i mwiin teutana ni karokoa baneia, ao e na m'aninga te aba taekaia.

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 17:44

ao e takaarua ni kaangai, “Nakomai! Ngkana I tia n tiringko, ao I a anganiia mannikiba ma mannikaakang rab'atam b'a kanaia!”