1.Tamuera 17:35 - Te B'aib'ara

³⁵ I nako n ri mwiina, ao I batibooa te mannikaakang ni karokoa e kanakoa te tiibu. Ao ngkana e a manga rairakiai te mannikaakang n un nako iu, ao I raweia mai roroana, ao I tiringnga.

1.Tamuera 17:35 ပူးပေါင်းရင်းမြစ်များ

2.Tamuera 23:20

Bon te aomata ae e ninikoria Benaia are natin Ioiata te m'aane are man Kabeteera are e karaoi b'aai aika a kamimii. E tiringiia uoman ana taani buaka Moaba aika a bane aroia, ao ni bongin te kam'aitoro teuana e ruona b'angan te raian ao e tiringa te raian.

Taian Areru 91:13

Ane ko na toutou aoia raian ma naeta aika tiritiri ma ni kamaamate.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

1.Tamuera 17:34

Ma e taku Tawita nako ina: Te uea ae ko karineaki, I kakawakiniia ana tiibu tamau. Ao ngkana e katitikaki nako temanna iroun te raian ke te bea,

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!