1.Tamuera 17:28 - Te B'aib'ara

²⁸ Ao e ongongo ana taetaenikawai Tawita ma tautia natin Iete are te ikawai are Eriaba. Ao e un Eriaba nako ina ni kaangai, “Tera ae ko karaoia ikai? Antai ngkanne ane kaawakiniia tiibu ake uarereke i nanon te rereua? Te ataei ngkoe ae ko buakaka! Ko ti nako mai b'a ko na noora te buaka, tiaki ngaia anne?”

1.Tamuera 17:28 ပူးပေါင်းရင်းမြစ်များ

Karikani B'aai 37:11

Ao a bakantang tarina i rouna, ma e tabetabe nanon tamana n te b'ai arei.

Karikani B'aai 37:4

Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.

Karikani B'aai 37:8

Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.

2.Rongorongo 11:18

Ao e mare Reoboam ma Nei Maarata, are natin Ierimota te aine, Ierimota are natin Tawita te m'aane, ao tinana bon Nei Abiaira are natin Eriaba te aine ao tibun Iete te ataeinaine.

Taian Areru 35:11

Iai ake a kewe n aia kaotioti i buku; Ao a bukinai b'a I karaoi m'akuri ni kakeru aika I aki atai.

Taeka n Rabakau 18:19

Karekean te iraorao ma ae kam a tia ni kaairua nakoina e boni matoatoa riki nakon uruakan nonon te kaawa ae e buubura.

Taeka n Rabakau 27:4

E kamaamate te aomata ae e un, ma e a rangi ni kamaamate riki te aomata ae e babakantang.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Mataio 10:36

ao ane a na riki ana utu te aomata b'a ana kairiribai.

Mataio 27:18

B'a e ataia n ae a tia aomata ake a kakannato, ake aia aomata I-Iutaia n anga Iesu nako nanoni baina i bukina b'a a bakantang.

Mareko 3:21

Ao ana utu Iesu, ngke a ongo, ao a nako b'a a na taua, i bukina ngke a kangai aomata, “E rangirang!”

Iuta 1:10

Ao te koraki aei a taetaebuakai baika a aki atai aroia; ao baika a atai n aia namakin aika ai aron aia namakin maan aika aki wanawana, a kamateaki iai.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”

1.Tamuera 17:29

Ao e taku Tawita, “B'a tera ae I karaoia. E bure naba ngkana I ti titiraki?”