1.Tamuera 17:26 - Te B'aib'ara

²⁶ Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”

1.Tamuera 17:26 ပူးပေါင်းရင်းမြစ်များ

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

2.Rongorongo 32:17

Ao e bon b'ainingarea naba te UEA te uea are Tennakeriba ao e taku, “Bon akea mai buakoia antin te botannaomata ake te korakina ae e konaa ni kamaiuia aia aomata mairouia ana taanga ni buaka Aturia, ao e bon aki konaa naba te Atua ae e taataromauriia Etekia.”

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Taian Areru 44:13

A noori baike Ko karaoi nakoira baronga ake a maeka i rarikira, Ao a kaenaenaira ma ni ngareakinira.

Taian Areru 74:18

Ma Ko na uringnga, te Atua, b'a a ngareakiniko am Kairiribai, Ao akea onimakinam ma karineam irouia.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 9:25

A na roko boong are N na katuaaia iai bootanaomatan Aikubita,

Ieremia 9:26

Etom, Ammon, ao Moaba, ao barongan te rereua. A a tia ni korotabonim'aneaki mm'aane ni botannaomata aikai, ma a aki taromauriai. Ao bon ti te bo naba ma ngkami kaain Iuta. A a tia ni kaitiakaki rab'atami, ma a tuai man bitaki nanomi.

Etekiera 28:10

A na tiringko ianena, ao ko na mate ni mateia te koraki aika a aki taromauriai. Bon aei au taeka Ngai ae te UEA.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 6:27

E kakamaiu ao e i buobuoki; E karaoi kamimii ma kakai i karawa ao i aonnaba. E kamaiua Taniera mairouia raian.”

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Ioera 2:19

Ao E taku ngke E kaekai aia tataro, “N na anganingkami te uita, te wain ao b'aan te oriwa ae e tau, ni katoka kainanomi. N na aki manga anga ngkami b'a kam na kab'ainrangaki irouia botannaomata.

Te Tua-Kaua 5:26

Iai aika a tia n ongo b'anaan te Atua ni koaua man te ai n ai arora? Ao ngkana a tia, a kona n teimatoa ni maiu ma n tataekinna?

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

1.Tamuera 11:2

Ao e taku Naati, “Eng, n na tiainaa te boraraoi! Ma n na ti karaoia ngkana I tia n auti kanoani mataia are te atai m'anen Iteraera ni kabane ake a maeka i Iabeti.”

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 17:10

I kaewenakoa ngkai temanna man ana taanga ni buaka ae b'anin Iteraera! Rinea temanna ane n na bo ma ngaia!

1.Tamuera 17:30

Ao i mwiina, e a manga rairaki nakon te tautia are temanna man titiraki naba ana titiraki are mai m'aaina, ao tabeua riki, ao e bon anganaki naba kaekaana ae ti te bo ma ake e kaekaaki iai mai m'aaina.

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.