1.Tamuera 17:20 - Te B'aib'ara

²⁰ Ao e ongotaeka Tawita iroun tamana. E utim'aaka n te ingabong are i mwiina ao katuka temanna b'a e na kaawakiniia taian tiibu; ao e katauraoi uotana ao e a nako. E roko n aia kaemb'a tautia ngke a tabe tautia ni baaireia nakon te bo ni buaka ma n tatakarua.

1.Tamuera 17:20 ပူးပေါင်းရင်းမြစ်များ

Ruka 19:43

B'a ane a na roko i roum boong ake a na karaoa iai te o am kairiribai man tanon rarikim ae a katabukirakea ni katobibiko, ao ane a na otab'aniniiko, ni buakaniko mai rarikim nako.

Iotua 3:1

A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.

1.Tamuera 15:12

Ao e utim'aaka n te ingabong are i mwiina n nako ni maroroo ma Tauro. Ao e taku te aomata temanna nako ina, “E nako Karemera Tauro ao e karaoa iai te kanuringa b'a aonga aomata nako n ururinga ana tokanikai. Ao i mwiina, e na manga nako Kirekara.”

1.Tamuera 17:19

A mena n ana taanga ni buaka Tauro, ni buakaniia kaain Biritia n te M'arua are Era.”

1.Tamuera 17:21

Ao a tei tautian Iteraera ma tautian Biritia ni kaaitaraia i bon i rouia.

1.Tamuera 17:28

Ao e ongongo ana taetaenikawai Tawita ma tautia natin Iete are te ikawai are Eriaba. Ao e un Eriaba nako ina ni kaangai, “Tera ae ko karaoia ikai? Antai ngkanne ane kaawakiniia tiibu ake uarereke i nanon te rereua? Te ataei ngkoe ae ko buakaka! Ko ti nako mai b'a ko na noora te buaka, tiaki ngaia anne?”

1.Tamuera 26:5

E kawaekoa n nako nakon te tabo are a mamatu iai Tauro ao Abenera are natin Nera, are mataniwiin ana taanga ni buaka Tauro. E matu Tauro i nanon te maeka, ao a kaemb'a ana rorobuaka ni katobibia.

1.Tamuera 26:7

Ma ngaia are, a niniia ana kaemb'a Tauro Tawita ma Abitiai n te tairiki anne, ao a kunea Tauro ni matu mai nuukan te maeka ma ana kainiwai ae e unikaki i aon te tano i rarikin atuuna. A matu Abenera ma ana taanga ni buaka ni katobibia.