1.Tamuera 16:7 - Te B'aib'ara

⁷ Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”

1.Tamuera 16:7 ပူးပေါင်းရင်းမြစ်များ

Karikani B'aai 4:5

ma E aki butim'aea ana karea Kain. Ao e maraki nanon Kain iai, ao e moanoku.

2.Tamuera 14:25

Bon akea i aon Iteraera ae e orea botonim'aanen Abetarom.

2.Tamuera 7:20

Bon am tia m'akuri ngai, ao Ko atai au iango nako, ma ngaia are, bon akea riki te b'ai ae I tangiria n taekinna.

1.Uea 8:39

Ko bon atai b'aai ni kabane inanoia aomata ni kabane. Ma ngaia are, ko na kaekai aia tataro mani mwengam ane i karawa, ni kaineti ma aroni maiuia, ao b'aai ake n aia iango.

1.Rongorongo 17:18

Bon am toro ngai, ao ko atai au iango ni kabane. Tera riki ae n na taekinna, ao ko a tia ni karineai?

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

2.Rongorongo 6:30

Ko bon atai b'aai ni kabane ake inanoia aomata nako. Ma ngaia are, ko na kaekai aia tataro mani mwengam ane i karawa, n aron te b'ai are a karaoia ke te b'ai are i nanoia.

Iobi 10:4

Ti te arona nanom ma nanon te aomata?

Iobi 35:5

Tara karawa! Noori rietaatan taian nang!

Taian Areru 139:2

Ko atai b'aai ni kabane aika I karaoi; Ko ataa nanou mai kiraroa.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taeka n Rabakau 15:11

Ngkana e konaa n noori b'aai nako te UEA n aia aonnaba maate, ao e konaa naba n noori nanora.

Taeka n Rabakau 16:2

Ti na taku n ara iango b'a ti atai etin b'aai, ma bon te UEA te tia motikitaeka nakon oin bukin rikin baika ti karaoi.

Taeka n Rabakau 24:12

Tai kaangai, “I aki ataia!” E konaa n ataa nanom te Atua. E tarataraira ni tatabemaniira nako ao e atai ara iango. Ao e na manga kabooa mwiin are ti karaoia te Atua.

Taeka n Rabakau 31:30

E konaa naba ni kam'anea te aba te tikiraoi, ao e na manga bon b'aruku te botonaine, ma e bon riai ni karineaki te aine ae e karinea te UEA.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 20:12

Te UEA ae Moan te M'aaka, Ko kataia akana a karaoa ae e raoiroi, ao Ko atai naano ao iango ni kabane. I a tia n tuangko ngurengureu nako, ngaia ae N na matakuakiniko ngkana Ko a irataangau nako ia au kairiribai nako.

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

Ioane 7:24

Kam na aki kairaki n ami motiki-taeka n taraan te b'ai, ma kam na kairaki n ami motiki-taeka n te eti.”

Ioane 8:15

Kam b'aina te nano n aomata n ami motiki-taeka; akea ae I motika taekana.

M'akuri 1:24

Ao a tataro ni kaangai, “Te UEA, ae Ko atai nanoia aomata, Ko na kaotia b'a antai ae Ko rineia n uake uoman aikai,

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

2.I-Korinto 10:7

Kam babaire man taraan aron teini b'aai. Ngkana e koaua i nanona te aomata b'a ana b'ai Kristo ngaia, ao ke e kauringnga b'a ngkai ana b'ai Kristo ngaia, ao ngaira bon ana b'ai naba Kristo.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

1.Betero 2:4

Kam na nakoina, nakon Teuare kanga ai aron te atibu ae maiu, ae kakiaki bonganana irouia aomata, ma E rineaki iroun te Atua b'a e kakawaki.

1.Betero 3:4

ma katamaroaami ae riai, bon te aomata ae raba ae b'ain te nano, ae katamaroaami ae aki kona ni mka, ae te nano ae nimamannei ae rau, ae kakawaki i matan te Atua.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”

1.Tamuera 9:2

Bon iai natin Kiti te m'aane ae arana Tauro, ae tamaroa taraana, ao e ab'ab'aki riki nakoia Iteraera ni kabane.