1.Tamuera 16:5 - Te B'aib'ara

⁵ Ao e taku Tamuera, “Eng, boni ngaia. I roko b'a n na angakarea nakon te UEA. Katauraoingkami b'a kam na ira te angakarea ma n airi ma ngai.” Ao e kaooa naba Iete Tamuera ma natina m'aane b'a a na ira te angakarea, ao e tuangiia, ao e kairiia b'a a na ira te angakarea.

1.Tamuera 16:5 ပူးပေါင်းရင်းမြစ်များ

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

1.Uea 2:13

Ao e m'ananga Atoniia n te bong teuana ni kawara Nei B'atateb'a, are tinan Toromon, ao e taku Nei B'atateb'a nakoina, “Tera rokom aei, te iraorao?” Ao e taku, “Eng.

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Ioera 2:16

Kakoauaa raoi b'a a na bane aomata n tau nakon taromauriau. Kanakomaia ikawai, ataei, ao taian merimeri, ao kairiia mai naba te taanga aika a tib'a tia ni mare man aia bootaki ni mare.

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Warekaia Iteraera 11:8

ao ti te bo kanakina ma te b'ai ae umunaki ma b'aan te oriwa ae karewe. E kakaoti n te bong ma te aoi.

1.I-Korinto 11:28

Ke e tirotiroa moa nanona te aomata, ao i mwina e na kana te berena, ma ni moi n te m'angko.

Iotua 3:5

E kaangai Iotua nako ia, “Kam na tabui ngkami b'a e na karaoi kakai te UEA nakon te ingabong i buakomi.”

Iotua 7:13

Tei rake! tabuia am aomata ao katauraoia i m'aain rokoia i matau. Tuangiia b'a a na katauraoia i m'aain te ingabong, b'a iai au taeka Ngai ae te UEA ae Atuaia Iteraera nakoia ae kaangai, ‘Iai b'aai i buakon ami b'ai Iteraera are I tuangngkami ngkoa b'a kam na kamaunai. Kam na bon aki konaa ni kaaitaraia ami kairiribai ni karokoa kam a tia ni karenakoi baikanne ni kabane.’

1.Tamuera 20:26

ma akea te b'ai ae e taekinna Tauro n te bong anne, b'a e taku i nanona, “Tao iai te b'ai ae e riki i rouna, tao e aki itiaki ni kaineti ma aron te taromauri.”