1.Tamuera 16:4 - Te B'aib'ara

⁴ Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”

1.Tamuera 16:4 ပူးပေါင်းရင်းမြစ်များ

Karikani B'aai 35:19

Ngke e mate Nei Rakera, ao e taunaki i rarikin te kawai nako Eberata, ae ataaki ngkai n arana ae Betereem.

Karikani B'aai 48:7

I karaoa aei i bukin tinam are Nei Rakera. I rangi n rawaawata ngke e mate n te aba are Kanaan, ni uakaan ma Eberata, ngke I tabe n oki mai Metobotamia. Ao I a taunna i rarikin te kawai nako Eberata.”

2.Tamuera 6:9

Ao e maaku Tawita iroun te UEA ao e taku, “N na bon anaa te Atiniberita nakon au kaawa ke N na aki?”

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 2:13

Ao e m'ananga Atoniia n te bong teuana ni kawara Nei B'atateb'a, are tinan Toromon, ao e taku Nei B'atateb'a nakoina, “Tera rokom aei, te iraorao?” Ao e taku, “Eng.

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 6:5

Ao bon anne bukina ngkai I tiringkami n te tai ae ti teuana n taian taeka rinanoia burabeti. Ao anne naba bukina ngkai e ura au motikitaeka kaanga taai n te ingabong.

Ruka 2:4

E nako naba Ioteb'a mai Kariraia, man te kawa are Natareta, nako Iutaia nakon ana kawa Tawita are arana Betereem, b'a ngaia kaain ana utu Tawita.

Ruka 5:8

Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”

Ruka 8:37

Ao aomata ni kabaneia ake kaain te tabo are abaia I-Kerata, a bubutiia b'a E na kitaniia; b'a a taonaki n te maaku ae korakora; ma ngaia are E toka Iesu i aon te booti ao E kataua te nako.

1.Tamuera 21:1

Ao e nako Tawita nakon Aimereka are te ibonga i Nob'a. Ao e otinako Aimereka ni kawara Tawita ma te ruru ni maaku ao e titiraki ni kaangai, “E aera ngkai ko nako mai ma ti rab'atam?”