1.Tamuera 16:22 - Te B'aib'ara

²² E aki rangi ni maan i mwiin aei, ao e a manga kanakoa riki te rongorongo Tauro nakon Iete ae kaangai, “I rangi n tangira Tawita, ma ngaia ae I butiiko b'a ko na kariaia tikuna i rarikiu.”

1.Tamuera 16:22 ပူးပေါင်းရင်းမြစ်များ

Karikani B'aai 30:27

Ao e taku Raab'an, “N na tuangko te b'ai teuana: I a tia n ataia ngkai b'a I kakab'aiaki iroun te UEA i bukim.

Karikani B'aai 39:4

Ao e tatangiria Botib'a, ao e karikia b'a bon ana toro, ma ngaia are, e karikia b'a te tia tararua ana auti ma ana b'ai ni kabane.

Taian Areru 131:1

Te UEA, I a tia ni kaaki kainikatongau, ao I toki man arou ni kamoamoa. I aki katabeai ma taekani baika kakannato ke baika kamimii nako iu.

Taniera 1:5

E anga ana taeka te uea b'a a na kakam'arakeaki mani kakamooaki n aron kanaia ao nimaia kaain ana bareti te uea ni katoa bong. Ao ngkana a koro tenua te ririki n te aro anne, ao a na manga kaotaki i matan te uea b'a e na nooriia.

Te Tua-Kaua 1:38

E na onea mwiim Iotua, N na kariaia Iotua are te tia buokiko b'a e na kairiia Iteraera n taua te aba. Ma ngaia are, ko na kaungaa nanona.”

1.Tamuera 16:21

Ao e m'ananga Tawita nakon Tauro ao e a moana m'akurina i rouna. Ao e rangi n tangiria Tauro, ma ngaia are, e karikia b'a te tia uouoti taiani b'ai ni buaka.

1.Tamuera 16:23

Ngkana e kaminoa ana iango Tauro te tamnei ae buakaka mairoun te UEA, ao e katanga ana aabi Tawita. Ao e rau nanon iai Tauro ma ni marurung iai, ao e nako te tamnei ae buakaka mai rouna.