1.Tamuera 16:16 - Te B'aib'ara

¹⁶ Te uea ae ko karineaki, kanakoira b'a ti na kakaaea ae rabakau ni katanga te aabi. E na katangitang nako im ngkana e roko te tamnei are buakaka mairoun te UEA, ao ko na riki ni marurung iai.”

1.Tamuera 16:16 ပူးပေါင်းရင်းမြစ်များ

Karikani B'aai 41:46

Tenibwi ana ririki Ioteb'a ngke e kamataniwiaki iroun te uea, ao e mwiokoia te uea n taabo nako

1.Uea 10:8

A rangi ni kab'aia buum nako ao am aobitia ngkai a memena i rarikim n ongongora n am taeka n rabakau aika ko tataekin.

2.Uea 3:15

Ao i mwiina, e taku Eritai, “Kanakomaia ae e rabakau ni katanga te aabi.” Ao e moanaki katangan te aabi iroun te tia katangitang, ao te UEA e angan Eritai te rongorongo i bukin Ioram ae e kaangai:

1.Tamuera 10:5

Ao i mwiina, kam na manga nako Kibea, ike a kaemb'a iai aia taanga ni buaka kaain Biritia. Ao ngkana kam tabe ni m'ananga nakon te kaawa, ao ane kam na kaaitibo ma koraki n burabeti aika ruorikaaki man te tabo n taromauri. Ane a na nakonako man taetae ni burabeti ao tabeman ane a na nakonako i moaia ma ni katangtang n taian aabi aika uarereke, ma taian turam aika uarereke, ao taian kaib'ab'aa.

1.Tamuera 16:14

E a tia Tamnein te UEA ni kiitana Tauro, ao e nako te tamnei ae buakaka mairoun te UEA ni kakamaakua.

1.Tamuera 16:15

Ao a taku ana aobitia Tauro nako ina, “Bon te tamnei ae buakaka mairoun te UEA ae kakamaakuko.

1.Tamuera 16:17

Ao e taku Tauro, “E tamaroa, kakaaea te aomata ae kona ni katanga te aabi ao kanakomaia nako iu.”

1.Tamuera 18:10

Ao n te bong are i mwiina, E kanakoa te tamnei ae buakaka te UEA b'a e na niniia Tauro, ao e riki kaanga aron te rangirang i nanon ana auti. Ao e rin Tawita b'a e na katanga te aabi n aron are e boni kakaraoia mai m'aaina, ma iai ana kainiwai Tauro i nanon baina n te tai aei.

1.Tamuera 19:9

Ao n te tairiki teuana, ao e mena Tawita n ana auti Tauro b'a e katanga te aabi nako ina. Ao e tekateka Tauro, ma te kainiwai i nanon baina, ao ngke e niniaki n te tamnei ae buakaka are roko mairoun te UEA.