1.Tamuera 16:14 - Te B'aib'ara

¹⁴ E a tia Tamnein te UEA ni kiitana Tauro, ao e nako te tamnei ae buakaka mairoun te UEA ni kakamaakua.

1.Tamuera 16:14 ပူးပေါင်းရင်းမြစ်များ

2.Tamuera 7:15

Ma N na bon kateimatoa au boraraoi ma ngaia, n arou ngkoa ngke I katoka au boraraoi ma Tauro, are e uea ngkoa i m'aaim.

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

1.Uea 22:22

Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Otea 9:12

E ngae ngkana iai natimi, N na anai ni kabane ma ni katikuingkami ma te tang. N na tannako, ao ko na inako rikaaki i nanon te kanganga ae e korakora.

Tani Motiki-taeka 16:20

ao e takaarua, Tamton a buakaniko kaain Biritia. Ao e uti Tamton ao e taku n ana iango, N na manga bon b'aranako ma ni birinako n aron are I bon kakaraoia. E aki ataia b'a e a toki buokana iroun te UEA.

Tani Motiki-taeka 16:29

Ao e tei Tamton i nuukan boua aika uaai ake bouan te taubuki. E kanakoa baina ao e reke i baina are te angaatai te boua are teuana, ao te boua are teaina ni baina are te maing.

Tani Motiki-taeka 9:23

n te tai are E nang katuaaea iai te Atua ma taani kairiiri i Tekem i bukin tiringaia natin Kiteon ake itingaun. Ma ngaia are, E karikiia taani kairiiri te Atua b'a a na manga kaaitaraa Abimereka.

1.Tamuera 11:6

Ao E karina n niniia Tauro Tamnein te Atua ao E karika te un ae korakora i nanona.

1.Tamuera 16:15

Ao a taku ana aobitia Tauro nako ina, “Bon te tamnei ae buakaka mairoun te UEA ae kakamaakuko.

1.Tamuera 16:16

Te uea ae ko karineaki, kanakoira b'a ti na kakaaea ae rabakau ni katanga te aabi. E na katangitang nako im ngkana e roko te tamnei are buakaka mairoun te UEA, ao ko na riki ni marurung iai.”

1.Tamuera 16:23

Ngkana e kaminoa ana iango Tauro te tamnei ae buakaka mairoun te UEA, ao e katanga ana aabi Tawita. Ao e rau nanon iai Tauro ma ni marurung iai, ao e nako te tamnei ae buakaka mai rouna.

1.Tamuera 18:10

Ao n te bong are i mwiina, E kanakoa te tamnei ae buakaka te UEA b'a e na niniia Tauro, ao e riki kaanga aron te rangirang i nanon ana auti. Ao e rin Tawita b'a e na katanga te aabi n aron are e boni kakaraoia mai m'aaina, ma iai ana kainiwai Tauro i nanon baina n te tai aei.

1.Tamuera 18:12

Ao e maaka Tawita Tauro i bukina b'a E buoka Tawita te UEA ao E a aki manga buokia.

1.Tamuera 28:15

Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”