1.Tamuera 16:13 - Te B'aib'ara

¹³ Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.

1.Tamuera 16:13 ပူးပေါင်းရင်းမြစ်များ

2.Tamuera 12:7

Ao e taku Natan nakon Tawita: Boni ngkoe te aomata ae e kaub'ai! Ko na ongora ngkai nakon te b'ai ae E taekinna te UEA ae te Atua i bukim: “I rineiko b'a uean Iteraera. I kaawakiniko mairoun Tauro

2.Tamuera 2:4

Ao a kaaitibo kaain Iuta ma Tawita i Eberon ao a kab'aroa b'aan te oriwa i aon atuuna ni kaotia b'a aia uea ae e boou. Ao i mwiina, e tuangiia Tawita ni kaangai, “Kaain Iabeti i aon Kireata, kam na tauna rab'atan Tauro.”

2.Tamuera 23:1

Aikai ana kabanea n taeka Tawita are natin Iete te m'aane. E rinea Tawita Atuan Iakob'a ao E karikia b'a te uea ae e kakannato. E tangiraki Iroun te Atua Iteraera ae E M'aaka. E taku Tawita ngke E taetae te Atua nakoina:

2.Tamuera 5:3

Ao e karaoa ana boraraoi ma taani kairiiri Tawita i nanon tain te boowi, ao e butiia te UEA b'a e na riki b'a aia tia kakoaua. Ao i mwiina, a kab'aroa b'aan te oriwa taani kairiiri i aon atuun Tawita ni kaotia b'a e a uea man te tai aei i aon Iteraera.

2.Uea 9:6

Ma ngaia are, e teirake Ieu ao e rin nako. Ao e kab'aroa b'aan te oriwa te burabeti are i aon atuun Ieu ao e taetae nako ina ni kaangai: Aio ana rongorongo te UEA ae Atuan Iteraera nakoim, “Bon te UEA Ngai, ao I a tia n rineiko b'a aia uea au Aomata aika Iteraera.

1.Rongorongo 11:3

Ma ngaia are, ti a roko ngkai b'a ti na katokaa am baunuea b'a ko na riki b'a uean Iteraera.” Ao e karaoa ana boraraoi Tawita ma taani kairiiri ao e bubutiia te UEA b'a E na riki b'a aia tia kakoaua. Ao i mwiina, a kab'aroa te b'aa i aon atuun Tawita ni kaotia b'a e a riki ngkai b'a uean Iteraera. E riki aei n aron are e a tia n taekinna ana burabeti te UEA are Tamuera.

Taian Areru 89:20

I a tia ni kauea au toro are Tawita ngke I kabiria n te b'aa are tabu.

Taian Areru 89:21

Iriana korakorau n taai nako, E na kakorakoraki ni m'akau.

Warekaia Iteraera 11:17

N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 27:18

Ao E taku te UEA, “E kona ni karaoa te m'akuri anne Iotua are natin Nun. Katoka baim i aona ni kaotia b'a boni ngaia are e na onomwi.

Ioane 3:34

B'a Teuare E kanakoa te Atua ao boni Ngaia ae E taekin ana taeka te Atua, i bukina b'a E anganaki te Tamnei iroun te Atua n aki tiatianaki.

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

Ebera 1:9

Ko tangira karaoan nanon te Atua, ao Ko riba riaoakin nanona. Ma ngaia ae E kabiriko te Atua, ae Atuam, ni b'an te kim'areirei b'a Ko aonga ni kim'areirei riki i aoia raom.”

Ebera 11:32

Ao tera riki ae N na atongnga? E na bane au tai ngkana I taekina Kiteon, ma B'araka, ma Tamton, ma Iebeta, ma Tawita, ma Tamuera, ma taiani burabeti.

Tani Motiki-taeka 11:29

Ao E niniia Iebeta Tamnein te UEA, ao e nako Iebeta n ri nuukan Kireata ma Manate, ma ni kateirakea te taanga ni buaka. Ao n tokina, e a roko i Mitib'a i Kireata, ike

Tani Motiki-taeka 13:25

Ao ngke e mena Tamton n ana kaemb'a Taan are i marenan te kaawa are Tora ma Etitaora, ao e niniaki n Tamnein te UEA.

Tani Motiki-taeka 14:6

Ma E ninia Tamton Tamnein te UEA, ao e raeua m'angain te raian Tamton ni baina, kaanga ai aron tiringan te kooti ae uarereke. Ao a aki ataia ana karo te b'ai are karaoia, ao ngaia e aki tuangiia naba.

Tani Motiki-taeka 3:10

Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

1.Tamuera 1:19

Ao a uti m'aaka Erekana ma ana utu n te bong are i mwiina, ao ngke a tia n taromauria te UEA, ao a manga okira Ram'a. Ao e a tia ni wene Erekana ma buuna are Anna, ao te UEA E kaekai ana tataro neierei.

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

1.Tamuera 10:6

Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.

1.Tamuera 11:6

Ao E karina n niniia Tauro Tamnein te Atua ao E karika te un ae korakora i nanona.

1.Tamuera 16:18

Ao e taku temanna ana aobitia, “Iai temanna natin Iete te m'aane are maeka i Betereem ae rabakau ni katangitang. Bon te tia buaka ae ninikoria, te ataeinim'aane ae botonim'aane, e kona n taetae raoi, ao e mena te UEA i rouna.”

1.Tamuera 18:12

Ao e maaka Tawita Tauro i bukina b'a E buoka Tawita te UEA ao E a aki manga buokia.

1.Tamuera 2:35

I a tia n rinea te aomata temanna b'a Au ibonga, ae te aomata ae na kakaonimaki ma n ongotaeka i Rou. N na karikiia ana utu b'a taiani ibonga ao a na buoka au uea ae rineaki.