1.Tamuera 16:12 - Te B'aib'ara

¹² Ao kananako wetean Tawita Iete. Bon te ataei ni m'aane ngaia ae marurung rab'atana, e botonim'aane ma matana aika mata tokatoka. Ao n te tai are roko iai Tawita, ao e taku Tamuera, “Boni ngaia aei! Teirake, ao atoa b'aan te oriwa i aon atuuna.”

1.Tamuera 16:12 ပူးပေါင်းရင်းမြစ်များ

Karikani B'aai 39:6

Ao e anga ana b'ai ni kabane Botib'a nakon Ioteb'a, ao akea te b'ai teuana ae tabe iai b'a ti te am'arake are e kanna. Ao e rangi n raoiroi rab'atan Ioteb'a, ao e botonimm'aane,

2.Tamuera 23:1

Aikai ana kabanea n taeka Tawita are natin Iete te m'aane. E rinea Tawita Atuan Iakob'a ao E karikia b'a te uea ae e kakannato. E tangiraki Iroun te Atua Iteraera ae E M'aaka. E taku Tawita ngke E taetae te Atua nakoina:

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

1.Uea 1:34

Ngkana kam roko ikekei, ao a na karaoa kaueaan Toromon b'a uean Iteraera ae boou Tatoka ma Natan. Ao i mwiin te kauea, ngkana e a b'ara ao kam na karekea temanna ae e na katanga te bu ma n tuangiia aomata b'a a na takaarua ni kaangai, ‘E na teimatoa maiun te uea ae Toromon.!’

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 78:70

E rinea Tawita are ana tabonibai b'a te uea i aoia Iteraera. E anaa Tawita man te aba are a am'am'arake iai ana nanai n tiibu,

Te Otinako 2:2

ao neierei e bungia te nati te mm'aane. Bon te ataei ae e tamaroa, ao e karabaa i nanon tenua nam'akaina.

Ana Anene Toromon 5:10

E botonim'aane ao e marurung, te kabanea n rianako arona mai buakoia tebwina te ngaa.

B'aeb'aeti 4:7

A itiaki riki ara uea n aine nakon te tinoo. A ura ribaia n ai aron te ane, ao a takiakia ni maiureirei n ai aron te tabeiro.

Tekaria 4:14

Ao i mwiina, e a tuangai ni kaangai, “M'aanga aika uoua aikai bon taani kairiiri aika uoman aika a rineaki are e tei i rarikin te UEA n te aonnaba ni kabane.”

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

M'akuri 7:20

Bon aei te tai are e bungiaki iai Mote, ao te teei ngaia ae moan te tikiraoi taraana. E kawakinaki ma n tararuaki raoi i nanon tenua nam'akaina n ana auti tamana,

Ebera 11:23

I bukin aia onimaki ana karo Moote, ao a karaba Moote tenua nam'akaina i mwini bungiakina, b'a a noria b'a te teei ae tamaroa; ao a aki maka ana taeka te uea.

1.Tamuera 16:18

Ao e taku temanna ana aobitia, “Iai temanna natin Iete te m'aane are maeka i Betereem ae rabakau ni katangitang. Bon te tia buaka ae ninikoria, te ataeinim'aane ae botonim'aane, e kona n taetae raoi, ao e mena te UEA i rouna.”

1.Tamuera 17:42

Ao Koria, ngke e noora Tawita b'a bon te ataeinim'aane ae marurung ma ni botonim'aane, ao e b'ainingareia.

1.Tamuera 17:55

Ao i mwiin nooran Tawita iroun Tauro ngke e nako n un ma Koria, ao e rairaki Tauro nakon ana kam'anta n ana taanga ni buaka, ao e taku, “Abenera, antai te ataeinim'aane arei?” Ao e taku Abenera, “Te uea ae ko karineaki, I bon berita b'a I tuai kinaa.”

1.Tamuera 9:17

Ao e taratara Tauro Tamuera, ao E taku te UEA nako ina, “Bon anne te m'aane are I tuangko taekana. Boni ngaia are na tautaekana Iteraera.”