1.Tamuera 15:6 - Te B'aib'ara

⁶ Ao a maeka kaain Kenaite i rarikin te tabo arei, ao e taku Tauro nakoia, “A bon rangi n akoi ami aomata nakoia Iteraera ngke a otinako ara botannaomata mai Aikubita, ao I aki tangiriko b'a ko na mate ngkana ti tiringiia kaain Amareka. Ma ngaia ae, kam na kiitana ikai ni kararoaingkami mairouia.” Ao a nako kaain Kenaite,

1.Tamuera 15:6 ပူးပေါင်းရင်းမြစ်များ

Karikani B'aai 15:19

ni ikotaki naba ma abaia kaain Kena, Kenita, Karimon,

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

1.Rongorongo 2:55

Tarema bon aia bakatibu naba te kaainga are e mena i Iabeta, are e kaawakin rongorongon taiani kabowi ao te tautaeka, ake boni kaain Tira, Timea, ao Tukata. Kaainga aikai, bon ana kariki Amata are kaain Ken, are aia bakatibu kaain Rekaba.

Te Otinako 18:19

N na tuangko ngkai arom ae ko na karaoia, ao E na raoraoniko te Atua. E bon riai b'a ko na tei i bukiia aomata i matan te Atua, ma ni uoti mangaongaoia nako Ina.

Taeka n Rabakau 9:6

Ngkana kam tangiria ni maiu, ao kam na kaaki nanobabami ao karika te ataib'ai b'a te tia kaawakin m'am'anangami.

Warekaia Iteraera 16:34

Ao nikiraia Iteraera a ongo b'anaaia uakekei ngke a takaarua, ma ngaia are, a manga birinako naba, ao a takaarua, ao a taku, “Ti a boni maaku n te b'ai anne ngkana e a manga riki nako ira?”

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

2.Timoteo 1:16

E na nanoangaki ana utu Onetiboro iroun te Uea, i bukina b'a e aki toki Onetiboro ni kaungaa nanou, ao e aki mamaa ngkai I kabaeaki:

Te Kaotioti 18:14

A taetae taani bitineti ao a kaangai, “A a nako mai roum baika raraoi aika ko mamateakin ni maium, ao a bane ni bua mai roum kaub'aim ma tamaroam ae katika te mata, ao a bon aki manga reke i roum.”

Tani Motiki-taeka 1:16

Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.

Tani Motiki-taeka 4:11

Ao n te tai aei, e maeka Ebera are kaain te kaainga are Ken i rarikin te kaawa are Oke i Taanannim, e aki rangi n raroa mai Keteti. A nako kaain te kaainga are Ken mairoun Obaba, taman buun Moote, ma e a tia ni m'aing nako Ebera ma ni katea ana kaemb'a ni kararoa ma te kaainga.

Tani Motiki-taeka 5:24

Ma kam na neboa Nei Iaera, are buun Ebera are kaain te kaainga are Ken. Karakaa riki neboana nakoia aine nako aika maeka n autinrianna. Eng, karakaa riki neboana nakoia aine nako.

1.Tamuera 15:5

ao e kairiia nakon te m'arua are i rarikin teuana mai buakon kaawa ake i Amareka, ake a katauraoia iai nakon te buaka ae a na karaoia n te aro kakubanako.

1.Tamuera 27:10

are e na manga titirakiniia ni kaangai, “Kam kurib'ai ia n te tai aei?” Ao e na tuangnga Tawita b'a a nako m'akoron Iuta maiaki ke nakon aban te kaainga are Ierameera ke te aba are e maeka iai kanoan Kenaite.

1.Tamuera 30:29

ao Rakara; nakon kaainga aika Ierameera, nakon kaain Kenaite,