1.Tamuera 15:33 - Te B'aib'ara

³³ Ma e taku Tamuera, “Akaaka, ko a tia n anaiia ataei aika uarereke mani baiia tinaia ao ko tiringiia. Ao ngkai akea natiia tiina.” Ao i mwina, e anaa Akaaka Tamuera ao e korobitiia ni kauarerekea n te tabo n taromauri are i Kirekara.

1.Tamuera 15:33 ပူးပေါင်းရင်းမြစ်များ

Karikani B'aai 9:6

A karikaki aomata b'a katotongan te Atua, ma ngaia are, ane tiringa te aomata temanna, ao e na manga tiringaki i roun te aomata temanna.

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

Te Otinako 17:11

Ao ngkana e katei baina Moote, ao a tokanikai Iteraera, ao ngkana e katikui baina, ao a manga moanna n tokanikai kaain Amareka.

Te Otinako 21:24

te mata boona te mata, ao te wii boona te wii, te bai boona te bai, ao te wae boona te wae,

Itaia 34:6

E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 48:10

I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Otea 6:5

Ao bon anne bukina ngkai I tiringkami n te tai ae ti teuana n taian taeka rinanoia burabeti. Ao anne naba bukina ngkai e ura au motikitaeka kaanga taai n te ingabong.

Warekaia Iteraera 14:45

Ao a ruorikaaki kaain Amareka ma kaain Kanaan man te aba are tabukibuki, ao a kataenikaiia Iteraera, ma ni kakioia nako ni karokoa te kaawa ae buubura are Oma.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.

1.Tamuera 10:8

Ao i mwiina, kam na nako Kirekara. N na rimwi n roko ikanne, ma ngaia are, kam na taningaai. Tao e na bon reke te wiiki m'anangau n nakoati, ma ngkana I roko, ao n na anga karea ma taian angab'ai nakon te UEA. Ao n na manga tuangingkami te b'ai are kam na manga karaoi i mwiina.

1.Tamuera 15:32

Ao e takaarua Tamuera ni kaangai, “Uotaamai te uea are Akaaka are uean Amareka!” Ao e roko Akaaka ma kabaean baina te tiein, ao e taku i boni i rouna, “A na bon aki tiringai n te tai aei.”