1.Tamuera 15:28 - Te B'aib'ara

²⁸ Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.

1.Tamuera 15:28 ပူးပေါင်းရင်းမြစ်များ

2.Tamuera 3:10

E taekinna te UEA b'a E na aki manga kauea temanna man ana utu Tauro ao e na onomwi Tawita n riki ni uea. E taekinna naba b'a E na tautaeka Tawita i Iteraera ao i Iuta, ao n taabo nako mai Taan i meaang nako Beerateb'a i maiaki.

2.Tamuera 3:18

Ma ngaia are, kam riai ni karaoa anne! B'a E a tia n taekinna te UEA b'a E na kamanenaa Tawita ni kamaiuia Iteraera mairouia aia kairiribai, ma ai moara ra riki mairouia kaain Biritia.”

2.Tamuera 3:9

I buubutiia te Atua b'a e na buokai ngkana I aki buoka Tawita n anganna te b'ai ae E berita iai te UEA nakoina!

2.Tamuera 6:21

E taetae Tawita ni kaangai, “E aki rinea tamam te UEA ke temanna riki man ami utu b'a e na riki b'a te tia kairiiri irouia ana aomata. E rineai te UEA, ao I bukamaruia ni karinea.

1.Uea 11:11

ao E taku nakon Toromon, Ko boni karaoa ae ko tangiria, ao ko aki karaoa are I tuangko. Ma ngaia ae ngkai N nang anaa abanueam mai iroum, ao N na angan temanna mai buakoia am aobitia.

1.Rongorongo 10:14

ao e aki kaakawara te UEA ni kakaaea buokana. Ma ngaia are, E karaoa Tauro te UEA b'a e na tiringaki ao e anga abanueana nakon Tawita, are natin Iete te m'aane.

Iobi 34:24

E aki tangira te kareke rongorongo ngkana E na kakerikakiia taan kairiiri man aia tabo, ni manga onei mwiia.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

I-Rom 13:1

Ke a ongeaba aomata ni kabaneia irouia ake a tautaeka i aoia: b'a ti te Atua ae angan te aomata te m'aaka n tautaeka, ao Ngaia naba ae E kateia aika tautaeka ngkai n nakoaia.

1.Tamuera 13:14

Ma e na aki reke anne nako im, b'a ko a aki ongotaeka, ma ngaia are, e na aki manga rinea temanna man am utu b'a te uea. Ao ngkai, E a tia n rinea te tia kairiiri temanna i bukiia Ana aomata.”

1.Tamuera 16:12

Ao kananako wetean Tawita Iete. Bon te ataei ni m'aane ngaia ae marurung rab'atana, e botonim'aane ma matana aika mata tokatoka. Ao n te tai are roko iai Tawita, ao e taku Tamuera, “Boni ngaia aei! Teirake, ao atoa b'aan te oriwa i aon atuuna.”

1.Tamuera 18:8

Ao e rangi n un Tauro n te anene arei, ao e iango i nanona ni kaangai, “A taku b'a e tiringiia tebwina tengaa riki nakon are I a tia ni karaoia. Ao ane a na manga tangiria ni karikia b'a aia uea.”

1.Tamuera 25:30

Ao ngkana E tia te UEA ni karaoi baika a raraoi aikai ni kabane n aron are E berita iai nakoim ngkoe ae uean Iteraera,