1.Tamuera 15:23 - Te B'aib'ara

²³ Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”

1.Tamuera 15:23 ပူးပေါင်းရင်းမြစ်များ

Karikani B'aai 31:19

Ao e roko Nei Rakera i mwiin Raab'an ngke e nako ni koroburaei ana tiibu, ao e iraei bouan antin te utu are ana b'ai tamana.

Karikani B'aai 31:34

Ma e a kaman anai bouan antin ana utu Raab'an Nei Rakera ni kamenaki i aan kaintekatekan ana kamero, ao e a manga tekateka i aoia. Ao e kakaea Raab'an n ana auti n rianna Nei Rakera ni kabutaa, ma e bon aki roko n te kunei.

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

2.Tamuera 7:15

Ma N na bon kateimatoa au boraraoi ma ngaia, n arou ngkoa ngke I katoka au boraraoi ma Tauro, are e uea ngkoa i m'aaim.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Iobi 34:37

E aki ti bure nakon te Atua, ma e katei naba nako Ina; e b'ainingarea te Atua i matara ngaira aikai ni kabane.

Taian Areru 107:11

B'a kioina ngke a rawa nakon ana taeka te Atua are Moan te M'aaka, Ao a riba ana taeka n reirei.

Te Otinako 22:18

Tuaan te tabunea bon te tiringaki.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 28:16

Ai ngaia are E taku te UEA b'a e na baairea taekam. Ko na mate i m'aain banen te ririki aei i bukina ngkai ko a tia tuangiia aomata b'a a na kakaitaraa nanon te UEA.”

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Otea 13:11

I anganingkami te uea i bukin marakin nanou; I uotia nako i bukin buakakan nanou.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Nakoaia Ibonga 20:27

Ngkana ko taku b'a e reke iroum te rongorongo mairoun te mate, ko na karebanaaki ni karokoa matem, b'a aei ae ko kaantaningaia.

Nakoaia Ibonga 20:6

N na bon riki b'a ami kairiribai ngkana kam nakon ane e taku b'a e tataetae ma maate, ao N na kamaunaingkami mai buakoia au aomata.

Warekaia Iteraera 14:9

Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

Te Tua-Kaua 9:24

Ni koauana raoi, ao kam kakaitaraa te UEA ni moa man te tai are E a tia ni kinaingkami iai.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.

Iotua 22:15

Ao ngke a roko i Kireata ao a taetae nakoia baronga ake Reuben, ma Kata ma Manate mainiku ni kaangai,

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

1.Tamuera 13:14

Ma e na aki reke anne nako im, b'a ko a aki ongotaeka, ma ngaia are, e na aki manga rinea temanna man am utu b'a te uea. Ao ngkai, E a tia n rinea te tia kairiiri temanna i bukiia Ana aomata.”

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.

1.Tamuera 28:3

E a tia ni mate ngkai Tamuera, ao a bane n tang Iteraera ma n tanginiwenei i bukina ao a taunna n oin ana kaawa are e buubura are Ram'a. E a tia ni kairoroia taan kaiwa Tauro ao taan tabunea b'a a na kiitana Iteraera.