1.Tamuera 15:22 - Te B'aib'ara

²² Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.

1.Tamuera 15:22 ပူးပေါင်းရင်းမြစ်များ

Karikani B'aai 4:4

Ao e a manga uota ana tiibuteteei ae te moani bungiaki teuare Abera, ao e tiringnga, ao e anga m'akorona ake a raraoi b'a ana karea. Ao E kukurei te UEA iroun Abera i bukin ana karea,

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Te Minita 5:1

Taratara raoi n te b'ai ae ko karaoia ngkana ko rin n ana Tembora te Atua. Iai tabeman aomata aika a nanobaba aika a nako ikekei n angakarea, e ngae ngkana bon akea aia bure. Ma e raoiroi riki ngkana ko ti kakauongo ngkana ko nako n taromauri.

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 11:7

I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 26:13

Kam na riai ni bita aroni maiumi ma b'aai aika kam karaoi, ao kam riai n ongotaeka i roun te UEA ae Atuara. Ngkana kam karaoa aei, ao ane E na bita nanona i bukin karokoan te kangaanga are e taekinna b'a e na karokoa i aomi.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Otea 8:13

Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Mataio 12:7

Ao ngke arona b'a kam ata nanon ae kangai, ‘I tangira te nanoanga, ao I aki tangira te angakarea, ao kam na aki kabuakakaia aika aki bure.’

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Mataio 5:24

ao ko na kitana am karea iai i rarikin te baonikarea ao naako; karekea moa te raoi ma tarim, ao rimwi ko na oki n anga am karea.

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

Mareko 12:33

ao tangirana ma te nano ni kabanea, ma te wanawana ni kabanea, ma te korakora ni kabanea, ao tangiraia aomata n ai aron tangiran temanna i bon i rouna, a rangi ni moamoa riki nakoni karea ni kabane ake a katauaki i bukin te kabuekaki ao nakoni karea nako.”

1.Tamuera 13:12

ao I a raraoma b'a rimwi ao a na nakomai ni buakanai i Kirekara ikai. I bon tuai n anga te karea ni bubutiia te UEA buokara, ma ngaia are, I a imanonoai i bon i rou b'a n na anga te karea i aon ain te baonikarea.

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.