1.Tamuera 15:11 - Te B'aib'ara

¹¹ “E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa

1.Tamuera 15:11 ပူးပေါင်းရင်းမြစ်များ

Karikani B'aai 6:6

ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.

Karikani B'aai 6:7

Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

1.Uea 11:9

E a tia ni kaotia, uoua te tai te UEA ae Atuan Iteraera nakon Toromon, ni kauringnga b'a e na aki taromauriia antiia Ianena.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

1.Rongorongo 21:15

Ao i mwiina, e kanakoa te anera ni kamaunaa Ierutarem. Ma ngke e nang waaki te anera arei, ao e a uringaaba te UEA ngke e a noori taian rawaawata ni kabane ake E a tia ni karikia nako ia aomata, ao E taku nakon te anera, “E a bati n tau rawawataia anne.” E riki aei n te tabo ni kaaki kun ni uita are ana b'ai Arauna are kaain Iebu.

Iobi 34:27

i bukina ngke aikoa onimakinna, ma n aki tabe ma Ana tua.

Taian Areru 109:4

A kabuakakaai, e boni ngae ngke I tangiriia ao I tatataro i bukiia.

Taian Areru 110:4

E a tia te UEA ni kab'aka ana taeka ao E aki kona ni bitia: A kaangai ana taeka, “Ko na riki b'a te ibonga ngkoe n aki toki n ai aroni Merekitereka.”

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Taian Areru 36:3

Ti te atongi taeka aika bubuaka ma taeka n uarao; E a bua arona ae e raoiroi ae ataib'ai.

Taian Areru 78:41

A okioki aia m'akuri ni kataa te Atua, Ao a kamaraka te Atua ae Tabu ae Atuaia Iteraera.

Taian Areru 78:57

A rawa ni kan aan-taeka ao a aki kakaonimaki n ai aroia aia bakatibu. Akea onimakinaia.

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 34:16

Ma kam a manga bita riki nanomi ao kam a manga kamatauningaai. Kam a manga bane ni kaokiia ami toro ake kam a tia ni kainaomataia n aron are a tangiria, ao kam a manga kairoroia nakon te tautoronaki.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:18

Ao a taku aomata, “Kawaekoaia n nakomai b'a a na tang i bukira, ni karokoa a taonako matara n taian rannimata.

Etekiera 18:24

Ma ngkana a moana karaoan te bure aomata ma ni karaoi m'akuri aika a rangi n ribaaki, a na kamaiuaki? A na aki! E na m'aninga te aba taekan aia m'akuri aika a raoiroi aika a tia ni karaoi, ao a na tiringaki i bukin aia bure nako.

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Mataio 24:13

Ma ane nanom'aka ni karokoa te toki, ao e na kamaiuaki.

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Ruka 6:12

Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

Ebera 10:38

Ao au aomata ae raoiroi e na maiu n te onimaki; ao ngkana e kerikaki, ao I bon aki kukurei i rouna.”

Iotua 22:16

“Ti kanakoaki mai rouia ana aomata te UEA ni kabane b'a ti na ongora i roumi b'a kam aera ngkai kam aki kakaonimaki nakon te UEA, b'a kam a manga katea ami baonikarea anne bon ti i bukimi? E aera ngkai kam a manga tannako mai roun te UEA ni karaoa te b'ai ae rangi ni buakaka?

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 15:10

Ao E taku te UEA nakon Tamuera,

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”

1.Tamuera 15:35

E ngae ngke e nanoanga Tauro Tamuera, ma e bon aki roko n te manga noora Tauro Tamuera. Ao E bon nanokawaki te UEA ngke E rinea Tauro b'a te uea.

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 8:6

Ao e b'ara nanon Tamuera ngke e ongo aia taeka taani kairiiri b'a a tangira te uea, ma ngaia are, e tataro i bukin arei.