1.Tamuera 14:6 - Te B'aib'ara

⁶ Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 14:6 ပူးပေါင်းရင်းမြစ်များ

2.Tamuera 1:20

Kam na aki taekinna i Kata ke ni kabutanakoa rongorongona i nanon kawain te kaawa are Atikeron. Ane e na kukurei antin Biritia te aine ao e na kibakibarake ni kim'areirei.

2.Tamuera 16:12

Ma I taku b'a ngkana e ongo te UEA taeka ni kamaraia aikai ma n noora te kangaanga ae I a mena i nanona, ao I taku b'a E na bon nanoangaai ao N na aki maraia.

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

2.Rongorongo 14:10

E kaaitibo ma Ata ikekei, ao a katauraoi nakon te buaka taanga ni buaka aika uoua aikai n te M'arua are Tebata.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

Taian Areru 135:6

E karaoa are kukurei iai i karawa ao i aon te aba, i marawa ao n taabo aika nano i kabini marawa.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Ieremia 9:25

A na roko boong are N na katuaaia iai bootanaomatan Aikubita,

Ieremia 9:26

Etom, Ammon, ao Moaba, ao barongan te rereua. A a tia ni korotabonim'aneaki mm'aane ni botannaomata aikai, ma a aki taromauriai. Ao bon ti te bo naba ma ngkami kaain Iuta. A a tia ni kaitiakaki rab'atami, ma a tuai man bitaki nanomi.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Warekaia Iteraera 10:32

I rarikin anne, ao ngkana ko iriira, ao ti na karekea tib'am man b'aai ake E anganiira te UEA.”

Warekaia Iteraera 31:4

Kam na kanakoia kaka teuana tengaa te mm'aane man taiani baronga nako b'a a na buaka.”

Mataio 19:26

Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

Iotua 14:12

Ma ngaia ae ko na anganai aaba ake a tabukibuki n ai aron ana berita te UEA n te bong are I nikira iai rongorongon au tutuo, ma ake raou n te tai arei. Ti a tia ni kaongoko ngkoa b'a iai taian aintoa aika a aranaki b'a taian Anakim aika a maeka ni kaawa aika a korakora ooia akanne. Antai ae ataia ngkoa ao e na buokiira te UEA n aron Ana taeka.

Tani Motiki-taeka 15:18

Ao e rangi n taka Tamton ao e tataro, Ara UEA, Ko buokai ni katokanikaiai n te buaka i aon te taanga ni buaka ae b'anin. Ao I butiiko b'a Ko na aki tiringai n te taka n te tai aei. B'a ae a na uotaanako rab'atau kaain Biritia aika buakaka aikai.

1.Tamuera 14:5

Are teuana e mena i meangina ni kaitaraa Mikemati, ao are teuana i maiakina, ni kaitaraa Keeb'a.

1.Tamuera 14:7

Ao e taku te tautia arei, “Karaoi b'aai ni kabane akana ko kan karaoi. N na bon raoniko nako ikekei.”

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.

1.Tamuera 17:47

A na bane n nooria aomata b'a E aki kainanoa te kabaang ma te kainiwai te UEA ngkana E kamaiuia Ana aomata. E totokanikai n taai nako te UEA n te buaka, ao E na bon buokiira b'a ti na konaingkami.

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.