1.Tamuera 14:47 - Te B'aib'ara

⁴⁷ Ao ngke e a uea Tauro i aoia Iteraera, ao kaain Moaba, kaain Ammon, kaain Etom, taian uea mai Tob'a, kaain Biritia, ao kaain Amareka, a tia ni kabane n iraeia Iteraera.

1.Tamuera 14:47 ပူးပေါင်းရင်းမြစ်များ

Karikani B'aai 19:37

E karika natina te mm'aane neiere te karimoa, are e aranna b'a Moaaba: Boni ngaia aia bakatibu kaain Moaaba aika n taai aikai.

Karikani B'aai 19:38

Ao e riki naba natin neiere te bina ae te mm'aane, ao e aranna b'a Benammi: ao boni ngaia aia bakatibu kaain Ammon aika n taai aikai.

Karikani B'aai 36:1

Ao aikai kanoan Etau, ake a aranaki naba b'a Etom.

Karikani B'aai 36:19

A bane n riki baronga aikai mairoun Etau.

Karikani B'aai 36:8

Ma ngaia are, e a maeka Etau n te aba are tabukibuki i Etom.

2.Tamuera 1:22

E teke konan ana kanoanikatebe Ionatan ao a mate taani buaka. E korokoro ana kabaang Tauro ao e m'akoroua te kairiribai.

2.Tamuera 10:6

Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

2.Tamuera 8:15

Ao e tautaekana Iteraera ni kabutaa Tawita ma te eti ao te babaaire raoi.

2.Tamuera 8:3

Ao e waaki nakon Tawita nakon te Karaanga are Iuberetiti ao e katea te kanuringa iai. E a manga kataenikaia uean Tob'a, are arana Atatetera are natin Reoba te m'aane.

1.Uea 11:23

Ao aei aron te UEA ni karika Retom are natin Eriata b'a ana kairiribai Toromon. E a tia ni biri nako Retom mai iroun ana toka, are Atatetera are uean Toba.

2.Uea 14:27

Ao i bukina ngke E a tia ni berita te UEA b'a e na bon aki kamanaunaaki ni kabane Iteraera, ai ngaia are, e a buoka iai Ieroboam ni kamaiuia.

1.Tamuera 12:2

Kam a tia n noora aron kairakimi i rou ni moa man te tai are I rorobuaka n ataei iai. I a boni kara, a iaia iran atu, ao a ikawai natiu m'aane. Ao ngkai kam nang noora raoi aron kairakimi iroun ami uea.

1.Tamuera 13:1

Bon te rorobuaka n ataei Tauro ngke e riki b'a te uea, ao e tautaekana Iteraera i nanon 2 te ririki.

1.Tamuera 14:46

Ao e toki kaaeakiia kaain Biritia iroun Tauro, ao e okira ana auti.

1.Tamuera 14:52

Ao e bane angiin bongin maiun Tauro ni bubuaka ma kaain Biritia. Ngkana e kunea te tia buaka ae korakora ke te m'aane ae ninikoria Tauro, ao e anaia b'a kaain ana taanga ni buaka.

1.Tamuera 21:7

E mena ikekei ana mataniwi ni kaawakin man Tauro ae arana Toeka, are kaain Etom, b'a e roko ikekei n te bong arei, b'a e na kakoroa nanon tuan te taromauri.