1.Tamuera 14:45 - Te B'aib'ara

⁴⁵ Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.

1.Tamuera 14:45 ပူးပေါင်းရင်းမြစ်များ

2.Tamuera 14:11

Ao e kaeka neirei ni kaangai, “I tuea n aran te UEA ae Atuam b'a bon akea temanna ae e na kariaiakaki n tiringa natiu!” Ao e kaeka ni kaangai, “I tuea n aran te UEA ae E maiu b'a bon akea temanna ae e na konaa n riinga irana naba teaina!”

1.Uea 1:52

Ao e taku Toromon, “Ngkana e aki karaoa te kakiriwe Atoniia, ao N na bon aki kaikoakia, ma ngkana e karaoa te kakiriwe ao N na bon tiringnga.”

2.Rongorongo 19:11

Te aomata are e na anga te kabanea ni motiki taeka i bukin buure ake a irekereke ma te aro bon Amaria are te ibonga ae e rietaata. Ao Tebaria, are te tia kairiiri man te baronga are Iuta boni ngaia are e mena i rouna te kabanea ni motikitaeka i aon taiani bure ni kabane ake tabeua. Ao a na m'akuri nikiraia kanoan Rewi b'a am taan buobuoki. Ko na ninikoria, ao I tataro b'a e na buokiko te UEA.

Neemia 9:27

Ma ngaia are, Ko anga ngaiia nakoia aia kairiribai, ake a karaoa te m'akuri ae moan te buakaka nakoia. A buubuti buokaia mai i buakon rawawataia. Ko kakauongo nakoia mai karawa nakon aia tataro ko kanakoia taani kairiiri b'a a na kamaiuia i bukin am nanoanga ae e korakora,

Itaia 13:3

E a tia n tuangiia ana tautia aika a bane aroia ao ana Aomata aika a kakannato b'a a na kaota aron unna.

Mataio 10:30

Ao ae e a moamoa riki, a bane ni warekaki iran atuumi.

Ruka 21:18

Ma akea iran atuumi teaina ae na bua mai atuumi.

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 15:12

A bane n aki karongoa aomata ngke a ongora irouni B'arenaba ma B'auro, ngke a karakin taekani kanikina ma m'akuri aika kamimii ake E karaoi te Atua i rouia i buakoia aomata aika tiaki I-Iutaia.

M'akuri 21:19

Ngke e tia ni kamauriia B'auro, ao e a karakina ngkanne taekan te b'ai teuana i mwin teuana ni baike E karaoi te Atua ri nanon ana m'akuri ni mitinare i buakoia aomata aika tiaki I-Iutaia.

M'akuri 27:34

Ma ngaia ae I butingkami b'a kam na am'arake, b'a ngaia maiumi; b'a bon akea temanna i buakomi ae e na bua maiuna.”

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

Te Kaotioti 19:14

Ao a iria n ri mwina taanga ni buaka ake i karawa i aoia aoti aika mainaina, ao a kunnikaiaki n te rinen ae e raoiroi ae mainaina ae itiaki.

1.Tamuera 11:13

Ao e taku Tauro nako ia, “Tiaki ngaia anne! E kamaiuia Iteraera te UEA n te bong aei, ma ngaia are, akea ae na tiringaki.”

1.Tamuera 14:23

Ma ngaia are, E buoka Iteraera te Atua ni katokanikaia n te bong arei. E a tia n tuangiia mai m'aaina ana tautia Tauro ni kaangai, “N na kabooa mwiin aia m'akuri kaain Biritia i m'ain bungin taai, ma ngaia are, akea ae na am'arake i m'aain bungintaai. Ao ane am'arake i m'aain bungintaai ao e na maraia!” Ma ngaia are, e tuangiia b'a a na berita ke n tuea b'a a na aki am'arake. Ao n te tai anne, e a tia n ri rarikin te kaawa are Beta-Awen te buaka, ao a rootaki n te baki ae korakora ana taanga ni buaka Iteraera.

1.Tamuera 14:46

Ao e toki kaaeakiia kaain Biritia iroun Tauro, ao e okira ana auti.

1.Tamuera 19:5

E kariaia te ri nanon te kangaanga ngke e tiringa Koria, ao E a tia n anga te tokanikai te UEA nakon Iteraera. Ngke ko nooria, ao ko nang kim'areirei. Bukin tera ngkai ko tangiria ni kan karaoa ae buakaka nakon te aomata ae aki ataib'ai ao n tiringa Tawita n akea bukina?”