1.Tamuera 14:36 - Te B'aib'ara

³⁶ Ao e taku Tauro, “Ti na buakaniia riki kaain Biritia ngkana e a roo. Ti kona ni buakaniia n te bong. Ti na anai aia b'ai ni kabane ake i rouia!” Ao a taku aomata, “Ti na karaoi b'aai ni kabane akana ko tangiria.” Ao e taku Aiia are te ibonga, “Tataninga. Ti na titirakina moa te UEA b'a tera ae ti na karaoia.”

1.Tamuera 14:36 ပူးပေါင်းရင်းမြစ်များ

Taian Areru 73:28

Ma ngai, e raoiroi irou te kaania te Atua. B'a I rineia b'a te tia katanai, N na katanoatai b'aai ni kabane ake E a tia ni karaoi.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Ieremia 6:5

ao ti na buaka n te roo ma n uruakii nonona.”

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

Iotua 10:19

Ao nikirami kam na nako n reitanako kakioaia taian Amoraite b'a a na aki manga reke aia tai n okira aia kaawa. E a tia n anganingkami te UEA ae Atuami te tokanikai i aoia.”

Iotua 11:14

Ao a bane n anai b'aai aika a kakawaki ma taian man aomatan Iteraera man kaawa akekei b'a aia b'ai. Ma a tiringiia aomatana ni kabane, ao bon akea temanna ae reke maiuna.

1.Tamuera 1:23

Ao e taku Erekana, “Karaoa ane ko bon taku b'a e riai. Ko na tiku ni karokoa e matoa raoi te tei. E na bon buokiko te UEA ni kakoroa bukin am berita.” Ao e aki roko n te m'ananga Nei Anna ni karokoa matoan raoi Tamuera.

1.Tamuera 11:11

Ao n te bong are i mwiina, e bwenaua te taanga ni buaka Tauro nakon tenua te m'akoro ao ni buakaniia i m'aain otin taai. A waakina tiringakiia kaain Ammon, ao a waakinna ni karokoa mwiin te tawanou. A iangoa birinakoia tabeman kaain Ammon, ma a rangi ni uamaaenako n tatabemaniia nako.

1.Tamuera 14:3

Te ibonga are uouota te ebota bon teuare Aiia, bon natin tarin Ikabota are Aituba, are natin Bineati ao tibun Eri, ana ibonga te UEA i Tiro. A aki roko n te ataa m'aane akekei ae e a tia n nako Ionatan.