1.Tamuera 14:23 - Te B'aib'ara

^23-24 Ma ngaia are, E buoka Iteraera te Atua ni katokanikaia n te bong arei. E a tia n tuangiia mai m'aaina ana tautia Tauro ni kaangai, “N na kabooa mwiin aia m'akuri kaain Biritia i m'ain bungin taai, ma ngaia are, akea ae na am'arake i m'aain bungintaai. Ao ane am'arake i m'aain bungintaai ao e na maraia!” Ma ngaia are, e tuangiia b'a a na berita ke n tuea b'a a na aki am'arake. Ao n te tai anne, e a tia n ri rarikin te kaawa are Beta-Awen te buaka, ao a rootaki n te baki ae korakora ana taanga ni buaka Iteraera.

1.Tamuera 14:23 ပူးပေါင်းရင်းမြစ်များ

2.Uea 14:27

Ao i bukina ngke E a tia ni berita te UEA b'a e na bon aki kamanaunaaki ni kabane Iteraera, ai ngaia are, e a buoka iai Ieroboam ni kamaiuia.

1.Rongorongo 11:14

ao bon ti Ereata nikirana, are e tiku ma Tawita. A kanene n aki keerikaaki n te tabo teuana i rarikin te katawanang ni b'are ao a kataenikaiia kaain Biritia! E anga te tokanikai te UEA ae e koro arona nako ia Iteraera n te bong arei.

2.Rongorongo 32:22

E kamaiua Etekia ma kaain Ierutarem te UEA mairoun Tennakeriba ao e kaawakiniia naba mairouia aia kairiribai ake tekorakina.

Te Otinako 14:30

Ao E kamaiuia Iteraera te UEA n te bong arei mai rouia kaain Aikubita, ao Iteraera a noriia kaain Aikubita ni wene ni mate i mataniwiin taari.

Otea 1:7

Ma bon te UEA Ngai ae Atuan Iuta, ao N na bon akoa Iuta ma ni kamaiua n oin m'aakau-tiaki n te buaka ao n taiani kanoa ni kainikatebe ke n te kabaang ma taani buaka mai aoia aoti.”

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Iotua 7:2

E kanakoia tabeman m'aane Iotua mai Ieriko nako Ai, are i mainikun te kaawa are Betaera, i rarikin Beta-awen, b'a a na tuoa aon te aba. Ao a kaoka aia kaongora ngke a tia n tuoa te aba,

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 13:5

Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”