1.Tamuera 14:16 - Te B'aib'ara

¹⁶ Ao ana taan taratara Tauro ake a mena i Keeb'a a nooria b'a a birinako ana taanga Biritia ni uamaaenako, kaanga ai aron te taura te nenea ae ran nako.

1.Tamuera 14:16 ပူးပေါင်းရင်းမြစ်များ

Taian Areru 58:7

A bia mauna nako n ai aron te ran ae raanga nako; A bia kamanatuaki n ai aroia uteute aika mena i nanon te kawai.

Taian Areru 68:2

Aron te bubu n ai n ukaki nako, ao ai bon aroia naba ni kakioaki nako. Aron te nenea n riki n neinei ni kabuebuen te ai are e mena i rarikina, ao ai bon aroia naba akana buakaka ni kabuanib'ai i matan te Atua.

Itaia 19:2

“N na katuaaea Aikubita n taiani buaka n nanoaa ane a na buaka i bon irouia aaba ma ake i rarikiia, kaawa ma kaawa, ao taian abanuea n tatabeua nako.

Tani Motiki-taeka 7:22

Ao ngke a karaoa aei, ao te UEA e karikiia aia kairiribai b'a a na buutii aia kabaang i boni irouia ma ni buakaniia i boni irouia. Ao a kataia ni birinako aia kairiribai man aia kaemb'a. Ao a biri nakoni Kaawan Te Aroka are Te Aketia, nako Terera, ni karokoa mataniwiin te aba are abaia kaain te kaawa are Abera Meora are i rarikin Tabata.

1.Tamuera 14:15

Ao a bane kaain ana taanga ni buaka Biritia n tiaoki--n reitaki ma ake n te maeka, ma ake uatei, ma ake n taiani katawanang, ao ake taan kurib'ai. A bane ni maaku ma n aki reke aia iango. Ao E kanakoa te m'aeiei te Atua, ao e ruru aontano.

1.Tamuera 14:17

Ao e taku Tauro nakoia ana aobitia, “Warekia tautia ni kakaea b'a antai aika kiitana te maeka.” Ao ngke a bane warekakiia tautia, ao a kunea b'a akea Ionatan ma te tautia are uouota ana b'ainibuaka.

1.Tamuera 14:20

Ao e kawaekoa ni bootia ana taanga ni buaka, ao i mwiina e kairiia nakon aia kaemb'a kaain Biritia. Ao n te tai aei, a rangi ni mangaongao kaain Biritia ao a bon tiringiia i bon irouia.