1.Tamuera 14:15 - Te B'aib'ara

¹⁵ Ao a bane kaain ana taanga ni buaka Biritia n tiaoki--n reitaki ma ake n te maeka, ma ake uatei, ma ake n taiani katawanang, ao ake taan kurib'ai. A bane ni maaku ma n aki reke aia iango. Ao E kanakoa te m'aeiei te Atua, ao e ruru aontano.

1.Tamuera 14:15 ပူးပေါင်းရင်းမြစ်များ

Karikani B'aai 35:5

Ao ngke a tabe ni manga m'ananga nako Iakob'a ma natina mm'aane, ao a bane n rootaki n te maaku aomatan kaawa ake a uakaan ma ngaiia, ao akea te b'ai ae kataia ni karaoia nakoia.

2.Tamuera 5:24

Kam na tataninga ikekei ni karokoa ae kam na ongo karongoaia taanga ni buaka aika a m'aati mai taberan taian aroka. Ao kam na kawaekoaingkami ni buaka! Nanon te tang anne b'a I a tia n rimoami ni m'aati ni buakaniia aia taanga ni buaka kaain Biritia.

Iobi 18:11

E otab'aniniaki ni b'aai aika kakamaaku, a iririia n taabo nako ike e nako iai.

Taian Areru 14:5

Ane kam na kimamaaku, b'a E meemena te Atua irouia aika a kakaraoa ae e raoiroi.

Te Otinako 19:18

Ao e rabunaki ni kabane te maunga are Tinai n te bubu, i bukina b'a E a ruo te Atua i aona n rab'atanna n te ai. Ao e aetorake te bubu arei kaanga bubun te ai ni kanaiai, ao a rangi n ruru ni maaku aomata ni kabane.

Taniera 5:6

E mainarake te uea ao e rangi ni maaku n te aro are a ruru waena.

Mataio 24:6

Ane kam na ongora karongoaan taiani bo ni buaka aika kaan, ma rongorongon taiani bo ni buaka aika raroa nako; kam na tarataraingkami b'a kam na aki maaku; a na riki baikai, ma tiaki nanona b'a e a roko te toki.

Iotua 2:9

ao e taku nakoia, “I ataia b'a e a tia n anganingkami te UEA te aba aei. A bane ni maakui ngkami kaain te aba aei.

Tani Motiki-taeka 7:21

Ao a ientaka aia tautia aia kairiribai, ao a iangoa birinakoia. Ao ana koraki Kiteon a bon tiku ni nneia ni katobibia aia maeka aia kairiribai, ma ni manga katangi riki aia bu.

1.Tamuera 13:17

Ao m'am'ananga tautian Biritia ni buakana te kaawa ma n anai b'aina ao ni kamaunaa n te bong koraki. Tekorakina man te taanga ni buaka a bo nako iaang n te kawai are n aonon Tuara.

1.Tamuera 13:18

Ao tekorakina man te taanga ni buaka a wairio ni kawain Beta Oron. Ao te katenua ni koraki man te taanga ni buaka e borake nakon te rereua n te kawai are n taubukin taiani maunga ake a kaaitaraa M'aruan Teboiim.

1.Tamuera 13:23

Ao a kam'ainga aia kaemb'a kaain Biritia nakon te kawai are i Mikemati,

1.Tamuera 14:14

Ao i m'aain are a roko n tebubua te buuti, ao a tia n tiringiia uangaun kaain Biritia.

1.Tamuera 14:16

Ao ana taan taratara Tauro ake a mena i Keeb'a a nooria b'a a birinako ana taanga Biritia ni uamaaenako, kaanga ai aron te taura te nenea ae ran nako.

1.Tamuera 7:10

Ao e bon tuai bane ana anga karea Tamuera ngke a moana aia buaka kaain Biritia. Ao E kaekaia te UEA ao E karebwea te baa ni katobibiia. Ao a tiaoki kaain Biritia ao a birinako.