1.Tamuera 14:10 - Te B'aib'ara

¹⁰ Ma ti na tam'arakea te tabuki ni buakaniia ngkana a tuangiira. B'a nanon anne, E buokiira te UEA ni katokanikaira i aoia.

1.Tamuera 14:10 ပူးပေါင်းရင်းမြစ်များ

Karikani B'aai 24:14

N na taetae nakon temanna mai buakoia ni kaangai, ‘Taiaoka, anganai am tiaeki n ran b'a N na mooi iai teutana.’ Ao ngkana e kaangai, ‘Moi, ao N na kamooia naba am kamero,’ ao tera ngke ngaia anne te aine ae Ko a tia n rineia i bukin am toro are Itaaka. Ngkana e riki aio, ao I ataia ngkanne b'a Ko bon kakoroa bukin am Berita ma au toka.”

2.Uea 20:9

Ao e kaeka Itaia ni kaangai, E na anganiko te kakoaua te UEA b'a E na boni kakoroa bukin ana Berita. E na waerake nuun bungintaai tebwiina te kainararake i aon te kaintam'arake ke e na keerikaaki tebwiina te kainararake?

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Tani Motiki-taeka 6:36

Ao e tataro Kiteon nakon te Atua ni kaangai, “I ataia b'a Ko berita b'a Ko na buokiira ni kamaiua Iteraera, ma I tangira te b'ai ni kakoaua. N na katokaa te burae n tiibu i aon te atiibu are raababa are n te tabo ni kaaki kun ni uita arei. Ao ngkana Ko na buokai ni kamaiuia Iteraera, ao Ko na karika te aoi i aon te buraentiibu, ma e na bon tiku ni m'auteretere te burae n tiibu.”

Tani Motiki-taeka 7:11

Ao ngkana kam ongo aia taeka kaain Miiria, ao ane kam na aki maaku.” Ao a nako Kiteon ma Bura nakon aia maeka kaain Miiria, nakon te tabo ike a tei iai tautia.

1.Tamuera 10:7

Ao ngkana a tia n riki baikai, ao kam na karaoi b'aai nako akana kam taku b'a a eti! E na buokingkami te Atua.

1.Tamuera 14:9

Ao ngkana a ruorikaaki ni buakaniira n te tabo are ti mena iai, ao ti na aki tam'arake nakon te tabo are e mena iai aia kaemb'a.