1.Tamuera 14:1 - Te B'aib'ara

¹ N te bong teuana ao e taetae Ionatan nakon te teinim'aane are uouota ana b'ai ni buaka, “Ti na nako n aia kaemb'a I-Biritia.” Ma e bon aki tuanga tamana Ionatan are Tauro,

1.Tamuera 14:1 ပူးပေါင်းရင်းမြစ်များ

Mika 7:5

Tai onimakina ane ko itabon auti ma ngaia, ke ni kakoaua raraom. Kakawakina naba wiim man te b'aab'arantiko, e ngae ngkana boni buum.

Tani Motiki-taeka 14:6

Ma E ninia Tamton Tamnein te UEA, ao e raeua m'angain te raian Tamton ni baina, kaanga ai aron tiringan te kooti ae uarereke. Ao a aki ataia ana karo te b'ai are karaoia, ao ngaia e aki tuangiia naba.

Tani Motiki-taeka 14:9

Ao e anaa teutana ana karewe te manibeeru i baina, ao e kanna i aoni kawaina. Ao ngke e roko irouia ana karo, ao e anganiia teutana ao a kanna. Ma e aki tuangiia ae e kunea ana karewe te manibeeru n riinikaokaon te raian.

Tani Motiki-taeka 6:27

Ao e rineia 10 ana toro Kiteon b'a a na buokia, ao a karaoi b'aai ni kabane ake E taekin te Atua. Ao i bukina ngke e maaku Kiteon irouia ana utu ma kaain te kaawa, ngaia are e karaoi b'aai ni kabane n te tairiki.

1.Tamuera 13:2

Ao i mwiina, e rineia tenua tengaa te m'aane mai buakoia Iteraera b'a tautia ni koaua, ao e kanakoia aomata ake nikirana nakoni mwengaia. Ao a tiku ma ngaia 2,000 man te taanga ni buaka i aon taian tabuki ake i rarikin Mikemati ao Betaera ao ake tekorakina a mena iroun Ionatan i Kibea n abaia kaain te baronga are Beniamin.

1.Tamuera 13:22

Ma ngaia are, ngke a nang nakon te buaka tautian Iteraera, ao bon akea mai buakoia ae iai ana kabaang ke a na kainiwai ma bon ti Tauro ao natina are Ionatan are iai aia kainiwai.

1.Tamuera 13:23

Ao a kam'ainga aia kaemb'a kaain Biritia nakon te kawai are i Mikemati,

1.Tamuera 14:2

are kaemb'a i aan te kai ae te bomkuranete i Mikeron, ae aki bati n raroa mai Kibea; ao iai ana taanga ni buaka aika 600 i rarikina.

1.Tamuera 25:19

Ao e taku nakon ana tia m'akuri. “Ko na rimoa b'a N na ririmwiiko.” Ma akea te b'ai ae e taekinna nakon buuna.