1.Tamuera 13:7 - Te B'aib'ara

⁷ Ao tabeman a nakon te kaawa are Kata ma Kireata n iteran te Karaanga are te Ioretan are teuana. Ao e tiku Tauro i Kirekara, ao a rangi n ruru ni maaku ana tautia,

1.Tamuera 13:7 ပူးပေါင်းရင်းမြစ်များ

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Te Tua-Kaua 20:8

Ao te kabanea, ane e maaku, ao e kona naba n okira ana auti, b'a e kaawa ni manga kairaraangiia tautia aika tem'angina.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 3:12

“I anga tabeua te aba mai buakon aaba ake ti taui nakoia te baronga are Reuben, ao Kaata. E moanaki tib'aia mai meangin te kaawa are Aroera are e kaan ma te Karaanga are te Arenon, ni ikotaki ma tabeua kaawan Kireata ake a kirimaungaunga.

Iotua 13:11

Ni ikotaki naba ma te baronga are Kireata, ma aban nako Keturi, ma Maakata, te maunga are Oman ni kabane, ma Batian ni kabane ni karokoa Tareka.

Iotua 13:8

A kaman tia n anganaki abaia te baronga are Reuben, ao Kaata, ao iteran te baronga are Manate n aaba ake i mainikun te karaanga are te Ioretan i roun Moote are ana toro te UEA.

Tani Motiki-taeka 7:3

Ma ngaia are, ko na bootia am taanga ni buaka, ao tuangiia b'a ane maaku ao e kona ni kiitana te Maunga are Kireata ma n okira mwengana.” Ao a okira mwengaia 22,000 tautia, ao e tiku Kiteon ma ti 10,000 te tautia.

1.Tamuera 13:8

ao a birinako ma ni kiitanna. Ao e tataninga Tauro ikekei i nanon itiua te bong n aron are a tia Tamuera n tuangnga b'a e na karaoia, ma e aki roko Tamuera.

1.Tamuera 17:11

Ao a ongo Tauro ma ana m'aane te b'ai are e taekinna Koria, ma a maaka Koria ao akea te b'ai ae a karaoia.

1.Tamuera 31:7

Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.