1.Tamuera 13:6 - Te B'aib'ara

⁶ Ao tib'a ataia tautian Iteraera b'a a nang bane aia koraki, ao a nang konaaki. Ao a karabaia tabeman m'anen Iteraera n taian nangananga ni b'a ke i nanon taian buakonikai, ke i nanon taian karuarua aika nano aika m'auteretere.

1.Tamuera 13:6 ပူးပေါင်းရင်းမြစ်များ

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Ieremia 41:9

Te m'anib'a are a kaakarenako ia aia mate iai bon te m'anib'a ngkoa are e kenaki i roun Uean Iuta are Ata i bukin nnen te karau, b'a e maaku ngkoa ngkana e roko te Uea are B'aatia are uean Iteraera ni katobibia Mitib'a man tauia aomata i nanona b'a a na aki karekea aia ran.

Etekiera 33:27

Ngkai bon te UEA Ngai ae e maiu ae te Atua, ao kam na bane ni mate ngkami akana kam maeka ni kaawa aika a uruaki. Ngkami akana kam maeka i tinanikun te kaawa kam na kanaki irouia maan aika a aki manana, ao akana a karabaia i nanon taian nangananga ao taabo aika a katati kam na mate n te aoraki ae e kamaamate.

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

Ebera 11:38

a aki tau nakon te aonnaba aei: a tiotio nako n rereua, ao i aoni maunga, ao i nanoni b'angani matang ma kinonon te aba.

Iotua 8:20

Ngke a tanrikaaki tautian Ai, ao a noora te bubu ae korakora ae waerake nako karawa. Ao bon akea riki aia anga ni birinako, b'a a manga rairaki tautian Iteraera ngkoa ake a kakioia nakon aaba ake a rereua, b'a a nang manga buakaniia.

Tani Motiki-taeka 10:9

A moana m'anangaia kaain Ammon i nanon te Ioretan ma n buakaniia kaain te baronga are Iuta, Beniamin, ao Eberaim. A rangi n taonaki n te kaangaanga Iteraera.

Tani Motiki-taeka 6:2

Ao a rangi ni buakaka aroia kaain Miiria nakoia Iteraera, ma ngaia are, a birinako Iteraera nakon te naani maunga ni karabaia n te naan nangananga ni b'a.

1.Tamuera 13:15

Ao i mwiina, e kiitana Kirekara Tamuera. Ao bon iai naba ana tautia Tauro ake a aki kiitana Tauro, ao e kairiia nako Kibea are i Beniamin b'a a na ira te taanga ni buaka. Ao i mwiina e a warekia ao e a ataia b'a ngaia bon 600 naba m'aitiia ana m'aane.

1.Tamuera 14:11

Ao a tei i oin te tabuki Ionatan ma ana tautia n te tabo ike a nooraki raoi iai i rouia kaain Biritia. Ao a taku kaain Biritia, “Ao bon nooriia Iteraera aika bon te akea uaaia b'a a tia n otinako man te b'angab'anga ike a karabaia iai.”

1.Tamuera 14:22

Ao angiia Iteraera a tia ni karabaia n aaba ake a tabukibuki i Eberaim. Ao ngke a ongo b'a a birinako kaain Biritia, ao a otinako man te tabo are a karabaia iai, ao a manga buoka kakioakiia kaain Biritia.

1.Tamuera 23:19

Ao a nako tabeman mai Tiba nakon Tauro i Kibea ao a taku, “Are e karabaa Tawita i aban Oreti n te Maunga are Akira, ni m'akoron rereuan Iuta are i maiaki.

1.Tamuera 24:3

Ao e roko n te nangananga ni b'aa ae e kaan ma taian oo n tiibu tabeua i rarikin te kawai ao e nako b'a e na rairaki. Ao ngaia bon te nangananga ni b'aa are e karabaa iai Tawita ma ana rorobuaka.

1.Tamuera 31:7

Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.

1.Tamuera 7:7

Ao ngke a ataa te bootaki n kabowi kaain Biritia i Mitib'a, ao a kanakoa aia taanga ni buaka ni buakaniia Iteraera. Ao a maaku Iteraera ngke a ongo b'a a roko kaain Biritia.