1.Tamuera 13:5 - Te B'aib'ara

⁵ Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.

1.Tamuera 13:5 ပူးပေါင်းရင်းမြစ်များ

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

2.Tamuera 17:11

Aio au iango, ko na bootia m'anen Iteraera man te kaawa are Taan i meaang rikaaki nakon te kaawa are Beerateb'a i maiaki. Ko na kam'aitiia riki am tautia nakon tanon mataniwiin te bike. Abetarom, ko na kairiia boni ngkoe,

1.Uea 20:27

Ao a katauraoia naba Iteraera nakon te buaka. Ao a otinako ni butim'aia kaain Turia, ao a kaai n katei autinrianna taanga ni buaka aika uoua aikai ni kaaitara i bon irouia. A kaona te tabo arei kaain Turia, ao Iteraera kaanga taraaia nanai n kooti aika a uarereke aika uananai.

2.Rongorongo 1:9

I kaantaningaaki b'a n na tautaekaniia aomata aikai ma a bon rangi ni m'aiti kurikuri m'aitin tanon aontano. Ma ngaia ae ko na kaawakina am berita are ko karaoia nakon

Itaia 10:28

A tia n roko taian taanga ni buaka n te kaawa are Aiata. A tia n ri nanon Mikeron, ao a kaawakin aia b'ai i Mikemati,

Itaia 48:19

A na kakab'aiaki am botannaomata n anganaki riki ana aomata ae kaanga te uita ao te bike. Ao N na aki manga kariaia b'a e na manga kamaunaaki abami.

Ieremia 15:8

A m'aiti riki aine aika a mate buuia i aon Iuta nakon tanon te bike. E na roko buakanakimi ae kamimii n te tawanou! Ao tiina i Ierutarem ana tang i bukiia natiia.

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Otea 5:8

A anga te kauring n te bu! Ke ongo te aba i Kibea, Ram'a, ao Betaera are e korakora te bure iai. Beniamin, tarataraiko!

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

Iotua 11:4

Ao a roko ma aia tautia ni kabane, ao bon te taanga ni buaka ae moan te korakora ae ai aron m'aitin tanon biken mataniwiin taari. Ao a uoti naba aia aoti ma aia kaa ni buaka aika a m'aiti.

Iotua 18:12

Ao e moa tian abaia mai meang man te Ioretan ao e a manga waerakea te karaabee are i meangin Ieriko ao ni manga wairio ri nanon aaba ake a tabukibuki ni karokoa rereuan Beta-awen.

Iotua 7:2

E kanakoia tabeman m'aane Iotua mai Ieriko nako Ai, are i mainikun te kaawa are Betaera, i rarikin Beta-awen, b'a a na tuoa aon te aba. Ao a kaoka aia kaongora ngke a tia n tuoa te aba,

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

1.Tamuera 13:11

Ao e taku Tamuera, “Tera ngkai ae ko a tia ni karaoia?” Ao e taku Tauro, “B'a a bane ni uamaaenako au tautia, ao ko aki roko n aron are kantaningaaki. Ao a bootaki kaain Biritia i Mikemati,

1.Tamuera 13:2

Ao i mwiina, e rineia tenua tengaa te m'aane mai buakoia Iteraera b'a tautia ni koaua, ao e kanakoia aomata ake nikirana nakoni mwengaia. Ao a tiku ma ngaia 2,000 man te taanga ni buaka i aon taian tabuki ake i rarikin Mikemati ao Betaera ao ake tekorakina a mena iroun Ionatan i Kibea n abaia kaain te baronga are Beniamin.

1.Tamuera 14:23

Ma ngaia are, E buoka Iteraera te Atua ni katokanikaia n te bong arei. E a tia n tuangiia mai m'aaina ana tautia Tauro ni kaangai, “N na kabooa mwiin aia m'akuri kaain Biritia i m'ain bungin taai, ma ngaia are, akea ae na am'arake i m'aain bungintaai. Ao ane am'arake i m'aain bungintaai ao e na maraia!” Ma ngaia are, e tuangiia b'a a na berita ke n tuea b'a a na aki am'arake. Ao n te tai anne, e a tia n ri rarikin te kaawa are Beta-Awen te buaka, ao a rootaki n te baki ae korakora ana taanga ni buaka Iteraera.

1.Tamuera 14:52

Ao e bane angiin bongin maiun Tauro ni bubuaka ma kaain Biritia. Ngkana e kunea te tia buaka ae korakora ke te m'aane ae ninikoria Tauro, ao e anaia b'a kaain ana taanga ni buaka.

1.Tamuera 17:1

Ao a katauraoi nakon te buaka kaain Biritia ao a bootia aia taanga ni buaka b'a a na buakana te kaawa are Toko i Iuta. Ao a katea aia kaemb'a i Ebeti-Tammim, i marenan Toko ma Ateka.

1.Tamuera 7:13

Ao i mwiin te bobuaka, ao e katea te kanuringa Tamuera i marenan Mitib'a ma taiani b'a aika rietaata mataniwiia. Ao e aranna b'a, “Te Kanuringa are te Buoka” b'a kauringaia Iteraera buokaia i Roun te UEA. Ao E buobuoka Iteraera te UEA ni buakaniia kaain Biritia i nanon ana tai ni maiu Tamuera.