1.Tamuera 13:14 - Te B'aib'ara

¹⁴ Ma e na aki reke anne nako im, b'a ko a aki ongotaeka, ma ngaia are, e na aki manga rinea temanna man am utu b'a te uea. Ao ngkai, E a tia n rinea te tia kairiiri temanna i bukiia Ana aomata.”

1.Tamuera 13:14 ပူးပေါင်းရင်းမြစ်များ

2.Tamuera 5:2

Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

2.Tamuera 6:21

E taetae Tawita ni kaangai, “E aki rinea tamam te UEA ke temanna riki man ami utu b'a e na riki b'a te tia kairiiri irouia ana aomata. E rineai te UEA, ao I bukamaruia ni karinea.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

Taian Areru 78:70

E rinea Tawita are ana tabonibai b'a te uea i aoia Iteraera. E anaa Tawita man te aba are a am'am'arake iai ana nanai n tiibu,

Taeka n Rabakau 27:24

b'a a aki teimatoa n aki toki te kaub'ai ma te karineaki.

Itaia 39:5

Ao i mwiina, I a tuanga Etekia ni kaangai: Bon iai ana rongorongo te UEA ae Moan te M'aaka nako im.

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

M'akuri 7:46

are e a tia n reke akoana iroun te Atua. E butiia te Atua b'a E na anganna ana tai are e na kona iai ni katea nen Atuan Iakob'a ni maeka.

Ebera 2:10

Bon te b'ai ae riai iroun te Atua, are Ngaia ae kariki b'aai ma ni kateimatoai aroia, b'a E na karaoa Iesu b'a E na bobonga raoi arona n te maraki, b'a a aonga natin te Atua aika bati ni buokanib'ai ma Iesu ni mimitongin te Atua. B'a Iesu boni Ngaia ae kairiia nakon te kamaiuaki.

1.Tamuera 15:23

Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”

1.Tamuera 15:26

Ao e taku Tamuera, “I aki! Ko aki ongotaeka i roun te UEA, ao n na aki okirikaaki ma ngkoe. Ngkai E a tia te UEA n taku b'a ko nang aki uea i aon Iteraera.”

1.Tamuera 15:28

Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 16:12

Ao kananako wetean Tawita Iete. Bon te ataei ni m'aane ngaia ae marurung rab'atana, e botonim'aane ma matana aika mata tokatoka. Ao n te tai are roko iai Tawita, ao e taku Tamuera, “Boni ngaia aei! Teirake, ao atoa b'aan te oriwa i aon atuuna.”

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.

1.Tamuera 24:20

Ngkai I bon ataia b'a ko na uea i aon Iteraera ao e na reitinako te abanuea anne i aan am tautaeka.

1.Tamuera 25:30

Ao ngkana E tia te UEA ni karaoi baika a raraoi aikai ni kabane n aron are E berita iai nakoim ngkoe ae uean Iteraera,

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”