1.Tamuera 13:13 - Te B'aib'ara

¹³ Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 13:13 ပူးပေါင်းရင်းမြစ်များ

Karikani B'aai 31:28

Ko aki anganai naba au tai ni kiiti ni kabo ma tibuu, ao ni kiiti naba ni kabo ma natiu aine. Bon te m'akuri n nanobaba ae ko a tia ni karaoia.

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

1.Uea 18:18

Ao e taku Eria, Tiaki ngai te tia kakiriwe ae moan te buakaka ma boni ngkoe. Boni ngkoe ma am utu aika kam aki ongotaeka nakon ana Tua te UEA ngkai kam taromauria B'aara.

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

Iobi 34:18

E kabuakakaia uea ma taan tautaeka te Atua ngkana akea uaaia, ke ngkana a buakaka.

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Taeka n Rabakau 19:3

Ti bon uruaki bon i bukin bangab'aira, e ngae ngke ti bukina te UEA.

Itaia 39:5

Ao i mwiina, I a tuanga Etekia ni kaangai: Bon iai ana rongorongo te UEA ae Moan te M'aaka nako im.

Ieremia 18:10

ma ngkana e a manga moana aki ongotaekana nako iu ma ni karaoa te buakaka, ao ane N na manga bita nanou ao N na aki manga oki ni buokiia.

1.Tamuera 1:22

Ma e aki iri Nei Anna b'a e a tia n taetae nakon buuna ni kaangai, “E na aki roko Tamuera n Ana auti te Atua ni karokoa e matoa raoi, ao I a tib'a anga nakon te UEA, ao e kona n tiku i Tiro ni karokoa tokin maiuna.”

1.Tamuera 13:12

ao I a raraoma b'a rimwi ao a na nakomai ni buakanai i Kirekara ikai. I bon tuai n anga te karea ni bubutiia te UEA buokara, ma ngaia are, I a imanonoai i bon i rou b'a n na anga te karea i aon ain te baonikarea.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.

1.Tamuera 15:28

Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 26:21

Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”