1.Tamuera 13:12 - Te B'aib'ara

¹² ao I a raraoma b'a rimwi ao a na nakomai ni buakanai i Kirekara ikai. I bon tuai n anga te karea ni bubutiia te UEA buokara, ma ngaia are, I a imanonoai i bon i rou b'a n na anga te karea i aon ain te baonikarea.

1.Tamuera 13:12 ပူးပေါင်းရင်းမြစ်များ

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Amota 8:5

Kam kaangai i nanomi, “E na b'ara n ningai te bootaki ae kakannato aei b'a ti aonga ni manga kabooi ara uita. E na toki n ningai te Taabati, b'a ti aonga ni manga kaboonako ara b'ai ni boob'ai? Ao ngkanne ti na kaboobuakai ma ni babakanikawaia aomata n ara b'ai n tau rawawata aika a kewe.

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.

1.Tamuera 13:11

Ao e taku Tamuera, “Tera ngkai ae ko a tia ni karaoia?” Ao e taku Tauro, “B'a a bane ni uamaaenako au tautia, ao ko aki roko n aron are kantaningaaki. Ao a bootaki kaain Biritia i Mikemati,

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 15:12

Ao e utim'aaka n te ingabong are i mwiina n nako ni maroroo ma Tauro. Ao e taku te aomata temanna nako ina, “E nako Karemera Tauro ao e karaoa iai te kanuringa b'a aonga aomata nako n ururinga ana tokanikai. Ao i mwiina, e na manga nako Kirekara.”

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.

1.Tamuera 21:7

E mena ikekei ana mataniwi ni kaawakin man Tauro ae arana Toeka, are kaain Etom, b'a e roko ikekei n te bong arei, b'a e na kakoroa nanon tuan te taromauri.