1.Tamuera 12:24 - Te B'aib'ara

²⁴ Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.

1.Tamuera 12:24 ပူးပေါင်းရင်းမြစ်များ

2.Uea 17:39

i rarikiu. Bon te UEA ae Atuami Ngai, ao N na kamaiungkami mairouia ami kairiribai ni kabane.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 119:80

E bia moan te kororaoi ongeabau nakon am Tua, B'a I aonga n aki mamaa.

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Itaia 5:12

Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

Te Tua-Kaua 10:21

Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.

Te Tua-Kaua 29:1

Ma ngaia are, e a kabanea ana taetae Moote i bukin tuangakiia aomata te b'ai ae a riai ni karaoia i bukin kaawakinan te boraraoi ma te UEA are E karaoia nakoia i Moaaba, are bon raon are E a tia ni karaoia te UEA n te Maunga are Tinai.

Te Tua-Kaua 29:2

Ao e wetea te botannaomata are Iteraera Moote ao e taetae nakoia ni kaangai: Ngke kam mena ngkoa i Aikubita, ao kam noora te UEA ni karaoi taiani kakai are a karika te kangaanga nakon te uea ma ana aobitia, ao kaain abana ni kabane.

Ebera 12:29

b'a Atuara ai aron te ai ae kamamate.

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.