1.Tamuera 12:22 - Te B'aib'ara

²² Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.

1.Tamuera 12:22 ပူးပေါင်းရင်းမြစ်များ

1.Uea 6:13

Ao N na maeka i buakoia au Aomata i nanon te Tembora ae ko karaoia aei, ao N na aki manga kitaniia.

1.Uea 8:57

E memena te UEA ae Atuara irouia ara bakatibu ni buokiia, ao I tataro b'a E na memena iroura man aki kikitaniira.

2.Uea 14:27

Ao i bukina ngke E a tia ni berita te UEA b'a e na bon aki kamanaunaaki ni kabane Iteraera, ai ngaia are, e a buoka iai Ieroboam ni kamaiuia.

2.Uea 21:14

Ao N na bon kamaunaiia naba au Aomata ake nikira ni maiu. A na konaaki ma ni iraeaki irouia aia kairiribai.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Taian Areru 106:8

Ma E kamaiuia i bukini karinean arana, B'a E aonga ni kaota m'akana.

Taian Areru 94:14

Ane E na aki kaaki taekaia ana botannaomata te UEA; E na aki kitaniia akana ana b'ai.

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Itaia 37:35

N na bon kaawakinna i bukin karineau ao i bukin naba te berita are I a tia ni karaoia nakon au tia m'akuri are Tawita.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 43:7

Bon au aomata I karikiia n tatabemaniia nako b'a a na karineai.”

Itaia 48:11

I karaoa aei bon ibuku. I rawa ngkana I aki karineaki ke n tib'aa neboau ma anti tem'angina.

Itaia 49:15

E taku te UEA, “E a tia ni m'aninga taekan natina te tina are e nanoanga natina ni mammana? E konaa n aki tangira te ataei ae e bon nako man oin rab'atana? Ngkana e konaa ni m'aninga te tina, ma Ngai N na bon aki m'aninga taekam.

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Ieremia 14:21

Ngkana Ko kamaiura, ao ane e na kaota aron korakoram. Ko na aki kariaia am kairiribai b'a e na kam'araea am Tembora, are Am kaintokanuea ae e tamaroa. Ko na aki m'aninga are Ko a tia ni berita b'a Ko na kamaiura.

Ieremia 14:7

Tiaki mutiakiniko ao ti karaoi baika a rangi ni buakaka ma e riai b'a ti na katuaaeaki. Ma ngkana Ko kamaiura, te UEA, ao a na bane n noora korakoram aomata ni kabane.

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

B'aeb'aeti 5:20

Bukin tera ngkai Ko aki toki ni m'anuokiniira? Ko bia manga ururingiira?

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Maraki 1:2

Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Mataio 11:26

Eng, Tamau, b'a aei aron nanom n akoi.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

I-Rom 11:1

E kaangai ngkanne au titiraki, E kaaki taekaia ana botannaomata te Atua? E bon aki! Bon te Iteraera naba ngai, ae kanoan Aberaam, ae kaain te baronga are Beniamin.

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

I-Ebeto 1:12

b'a ti aonga ni kamoamoa mimitongina, ngaira aika ti moa n onimakina Kristo.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Tua-Kaua 31:6

Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.

Te Tua-Kaua 31:8

E na kairingkami te UEA nakon te aba. E na memena iroumi n taai nako mani buokingkami, ma ngaia are, tai mamaakuia ami kairiribai nako.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Iotua 7:9

A na bane n ongo aomatan Kanaan ma kaain te aba aei ni kabane rongorongora, ao a na teirake n otab'aninira n tiringiira ni kabane! Ao e na kanga ngkanne ni karineaki aram?”

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.