1.Tamuera 12:2 - Te B'aib'ara

² Kam a tia n noora aron kairakimi i rou ni moa man te tai are I rorobuaka n ataei iai. I a boni kara, a iaia iran atu, ao a ikawai natiu m'aane. Ao ngkai kam nang noora raoi aron kairakimi iroun ami uea.

1.Tamuera 12:2 ပူးပေါင်းရင်းမြစ်များ

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Warekaia Iteraera 27:17

A kainanoa te aomata temanna Iteraera are e na kairiia nakon te buaka, b'a a kaawa n riki b'a tiibu aika m'aninga nako b'a akea te tia kaawakiniia.”

2.Timoteo 4:6

Ao ngai, e a roko te tai ae N nang kamateaki iai ao N nangi riki b'a kanga ai aron te karea are te ninima are kab'aroaki i aon te baonikarea; aio au tai are N nang kitana iai te maiu aei.

Iotua 23:1

Ao ngke e a bon maan, ao e anga te rau te UEA i marenaia Iteraera ma ana kairiribai i nanon ririki aika a bati, ao e a bon rangi ni kara Iotua n te tai aei,

Iotua 23:2

Ma ngaia are e a weteia Iteraera ni kabane, ana unim'aane ma ana taan kairiri ao ana taan moti ma ana b'akuaku ao e taku nakoia, “I a rangi ni kara ngkai.

2.Betero 1:14

ngkai I ataia b'a e a kaan te tai are N na kitana iai te maiu aei, n ai aron are kaotaki nako iu iroun ara Uea are Iesu Kristo.

1.Tamuera 2:22

Ao e a rangi ni kara Eri n te tai aei, ao e teimatoa n ongongo taekaia natina n te b'ai ae a kakaraoia nakoia Iteraera.

1.Tamuera 2:29

I tuangiia aomata ni kabane b'a a na uoti aia karea nako ikai n te tabo ae I maeka iai, ao I kariaingkami ma ami utu b'a kam na kaawakin b'aai ake a aki anga te aba nako Iu i aon te baonikarea. Ma kam karineia riki natimi m'aane nako Iu! Ma kam aki karineai taiani karea ma angab'ai ake uotaki nako Iu, ao kam a rangi ni marikarika i bukin kanakin m'akoron taiani karea ake a rangi n raraoi.

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”

1.Tamuera 3:13

E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.

1.Tamuera 3:16

Ma e taku Eri nako ina, “Tamuera ae natiu, nakomai ikai!” Ao e taku Tamuera, “Aio ngai!”

1.Tamuera 8:1

Ao iai uoman natin Tamuera m'aane.

1.Tamuera 8:20

Ti tangira te uea b'a e na tautaekaniira ma ni kairiira nakon te buaka.”

1.Tamuera 8:3

Ma a bon aki katotonga tamaia. Bon aomata ngaiia aika buakaka ao a kariaia te kamaraato i bukin te anga taian iango aika aki raoiroi.

1.Tamuera 8:5

ao a taku, “Ko a boni kara. Ao ko a tia ni katea te banna ae raoiroi nakoia natim m'aane, ma a aki toua mwiina. Ao ngkai ti a tangira te uea ae na kairiira.